.png)
Teks Khutbah Jumat Singkat
Lemah Nela Banyu Asat
Gusti Allah aja Ditinggal
Ustadz
Wismanto,S.Pd.I.,M.Pd.
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur mugi tansah kunjuk dhumateng Allah
Ta’ala ingkang tansah paring rahmat lan taufiq dhumateng kula lan panjenengan
satemah ing siang punika kula lan panjenengan saget pinanggih wonten majelis
ingkang minulya kanthi kebak kawilujengan. Shalawat ugi salam mugi tansah
katetepaken dhumateng nabi Muhammad SAW ingkang tansah kula
lan panjenengan tengga syafaatipun wonten ing dinten akhir. Wonten ing mimbar khutbah siang punika,
khatib wasiat sumangga tansah ningkataken taqwa dhumateng Allah kanthi
nindakaken dhawuhipun lan nebihi awisanipun
mugi kanthi taqwa Allah tansah paring kamulyan panggesangan ing dunya lan akhirat.
Jamaah
jumah rahimakumullah
Asringipun manungsa
punika nglalekaken lan nilar Allah ing kahanan eca sekeca lan nembe emut nalika
kahanan susah. Utawi kosok balinipun, nalika katempuh pacoban ingkang awrat
malah saya tebih saking Gusti Allah. Mangka wonten ing kahanan punapa kemawon,
punika suka utawi duka, gampil utawi angel, namung Gusti Allah ingkang ngasta
sedaya margi medal lan pitulungan. Boten wonten daya lan kekuatan ingkang saged
ngewahi kahanan kajawi kanthi ridha lan pitulungan saking Gusti Allah SWT.
Pramila, sumangga ing kahanan punapa kemawon kula lan
panjenengan tansah ngencengaken gantunganing manah namung dhumateng Panjenenganipun.
Wonten kalih perkawis ingkang kedah kula lan panjenengan lampahi nalika ngadhepi kahanan
ingkang awrat menika:
1. Ajakan Koreksi Diri (Muhasabah)
Perkawis kapisan ingkang kedah kula lan panjenengan
lampahi inggih menika nindakaken koreksi diri utawi muhasabah. Menawi kula lan
panjenengan nemahi kangelan, Lemah Nela Banyu Asat ing sajroning gesang, saged
dados menika minangka pènget supados kula lan panjenengan mawas diri dhumateng
kalepatan-kalepatan ingkang sampun kalampahi.
Gusti Allah dhawuh ing sajroning Al-Qur'an, Surah
Al-Hasyr ayat 18:
يٰاَيُّهَا الَّذِيْنَ اٰمَنُوا اتَّقُوا اللّٰهَ
وَلْتَنْظُرْ نَفْسٌ مَّا قَدَّمَتْ لِغَدٍ وَاتَّقُوا اللّٰهَ اِنَّ اللّٰهَ
خَبِيْرٌ ۢ بِمَا تَعْمَلُوْنَ
"He wong-wong kang iman! Wediya marang Gusti
Allah lan hendake saben wong mriksa apa kang wis dilakoni kanggo dina suk mben
(akhirat). Lan wediya marang Gusti Allah, sakbenere Gusti Allah iku Maha
Ngerteni marang apa kang sira lakoni."
Kanthi mawas diri lan mirsani tumindak ingkang sampun
kawuri, kula lan panjenengan saged nyadari kekurangan, nyuwun pangaksama
(istighfar), lan ndandani tumindak ingkang kirang sae.
2. Ngatah-ngatahi Amal Kabecikan
Perkawis kaping kalih inggih menika ngatah-ngatahia
amal kabecikan. Ampun ngantos kahanan ingkang rumit ndadosaken kula lan
panjenengan kendhat anggenipun tumindak sae. Justru kanthi ngatah-ngatahi amal
kabecikan, sedekah, lan nulungi sesami, Gusti Allah badhe maringi margi medal
lan paring kemudahan.
Gusti Allah dhawuh ing sajroning Al-Qur'an, Surah Hud
ayat 114:
اِنَّ الْحَسَنٰتِ يُذْهِبْنَ السَّيِّاٰتِ ۗ ذٰلِكَ
ذِكْرٰى لِلذّٰكِرِيْنَ
"Saktemene tumindak-tumindak kang becik iku bisa
ngilangi (dosa-dosa) tumindak kang ala. Iku minangka pènget kanggo wong-wong
kang gelem eling."
Langkung
saking menika, ing saklebetipun Surah At-Talaq ayat 2-3, Gusti Allah ugi janji
menawi sinten mawon ingkang takwa lan tetep tumindak sae badhe dipunparingi
margi medal saking kangelan lan rezeki saking margi ingkang mboten
dipun-nyana-nyana.
Jamaah
jumah rahimakumullah
Pramila
saking menika, sumangga kula lan panjenengan sami-sami ngginakaken mangsa
ingkang awrat lan kebak pacoban punika minangka sarana kagem tansah mawas diri
sarta ngatah-ngatahi amal kabecikan. Mangga dipun koreksi malih sedaya lampah
lan tumindak ingkang sampun kawuri kanthi kathah-kathah nyuwun pangaksama,
lajeng dipunimbangi kanthi ngesthi tumindak sae, sedekah, lan pitulungan
dhumateng sesami. Kanthi nindakaken kalih perkawis punika, insyaallah manah
badhe langkung tentrem lan pitulunganipun Gusti Allah badhe tansah ngiringi
saben tindak-tanduk kula lan panjenengan.
Minangka
kesimpulan saking khutbah menika, mangga dipunemut-emut bilih ing kahanan
punapa kemawon kaawitan saking kahanan eca ngantos kahanan "Lemah Nela
Banyu Asat" Gusti Allah sampun ngantos dipunnilar saking gesang kula lan
panjenengan. Mugi-mugi Gusti Allah SWT tansah paring pitedah, kekuatan
dhumateng kula lan panjenengan sedaya supados kalebet ewoning hamba ingkang
tansah takwa, sregep muhasabah, sarta Istiqomah ing dalan kabecikan. Aamiin ya Rabbal 'Alamin.
بَارَكَ اللهُ لِي وَلَكُمْ فِي
الْقُرْآنِ الْعَظِيْمِ، وَنَفَعَنِي وَإِيَّاكُمْ بِمَا فِيْهِ مِنَ الْآيَاتِ
وَالذِّكْرِ الْحَكِيْمِ. أَقُوْلُ قَوْلِي هَذَا وَأَسْتَغْفِرُ اللهَ لِي
وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.
Khutbah
2
اَلْحَمْدُ لِلّٰهِ حَمْدًا
كَثِيْرًا كَمَا أَمَرَ. أَشْهَدُ أَنْ لَا إِلهَ إِلَّا اللهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ اللَّهُمَّ صَلِّ وَسَلِّمْ وَبَارِكْ عَلَى رَسُوْلِ
اللَّهِ وَعَلَى اَلِهِ وَأَصْحَابِهِ وَمَنْ وَلآَهُ أَمَّا بَعْدُ فَيَا عِبَادَ اللَّهِ أُصِيْكُمْ
وَنَفْسِيْ بِتَقْوَ اللَّهِ لَعَلَّكُمْ تُرْحَمُوْنَ وَقَالَ تَعَالَى يَا اَيُّهَا الَّذِيْنَ آمَنُوْا اتَّقُوْا اللّٰهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ
وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ
الْحَاجَاتِ
رَبَّنَا هَبْ لَنَا مِنْ
أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
رَبَّنَآ اٰتِنَا فِى
الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
Posting Komentar