Teks Khutbah Jumat Singkat Bahasa Jawa : MAPAG RAMADHAN KANTHI ILMU

 

 

Teks Khutbah Jumat Singkat

Mapag Ramadhan Kanthi Ilmu

Ustadz Wismanto,S.Pd.I

 

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

أَمَّا بَعْدُ، فَيَا عِبَادَ اللهِ، أُوْصِيْكُمْ وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Puji syukur mugi tansah kunjuk dhumateng Allah Ta’ala ingkang tansah paring rahmat lan taufiq dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan. Shalawat ugi salam mugi tansah katetepaken dhumateng nabi Muhammad SAW ingkang tansah kula lan panjenengan tengga syafaatipun wonten ing dinten akhir.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanthi nindakaken dhawuhipun lan nebihi awisanipun. Mugi kanti taqwa Allah tansah paring kamulyan panggesangan wonten ing dunya dumugi akhirat. Aamiin.

Jamaah jumah rahimakumullah

Sekedhap malih, mambu aruming wulan Ramadhan sampun wiwit kerasa. Wulan punika mboten namung wektu kagem nahan luwe, nanging wulan ingkang nggadhahi drajat ingkang dhuwur amargi dadi wektu tumuruning wahyu. Gusti Allah paring dhawuh wonten Surat Al-Baqarah ayat 185:

شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ

"Wulan Ramadhan iku wulan kang ing njerone diturunake Al-Qur'an minangka pituduh (hidayah) kanggo manungsa, lan dadi penjelasan ngenani pituduh mau sarta dadi pembeda (antarane bener lan luput)."

Mila saking punika, persiapan ingkang sepisanan inggih punika

1.      Persiapan Ilmu lan Niyat.

Kula lan panjenengan kedah niyataken siam mangke mboten namung amargi melu-melu, nanging adhedhasar iman. Kanjeng Nabi SAW paring piwulang:

مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ

"Sapa wonge kang nindakake siam Ramadhan kanthi dhasar iman lan niyat ikhlas pados ridhaning Allah (ihtisaban), mula bakal dingapura dosa-dosane kang wis kepungkur." (HR. Bukhari & Muslim).

Hadits punika paring piwucal bilih kuncinipun ibadah siam ingkang saged ngguguraken dosa wonten kalih perkawis. Sepisan, inggih punika 'Imanan', tegesipun kula lan panjenengan nindakaken siam kanthi dhasar kapercayan lan keyakinan bilih siam punika dhawuh saking Gusti Allah, mboten namung amargi pakewuh kaliyan tangga teparo utawi tumut adat kebiasaan. Kaping kalih, inggih punika 'Ihtisaban', tegesipun kula lan panjenengan nindakaken siam kanthi niyat tulus ikhlas pados ganjaran sarta ridhanipun Allah semata. Kanthi niyat ingkang jejeg punika, siam kula lan panjenengan mboten badhe krasa awrat, nanging malah badhe dados sarana ngresiki dhiri saking noda-noda dosa ingkang sampun kula lan panjenengan lampahi ing wektu kepungkur.

Jamaah jumah rahimakumullah

2.     Persiapan ingkang kapindho inggih punika Persiapan Ati sarta Resik Dhiri.

Ramadhan punika wulan suci, mila kedah dipun tampi kanthi ati ingkang resik. Sadurungipun kula lan panjenegan nindakake siam, prayoginipun Nyuwun pangapunten ugi caos pangapunten dhumateng sesami manungsa, dhateng tiyang sepuh, bojo, anak, sarta tangga teparo. Gusti Allah remen dhumateng tiyang ingkang gampil paring pangapunten, kados hadits nabi:

وَمَا زَادَ اللَّهُ عَبْدًا بِعَفْوٍ إِلَّا عِزًّا

"Lan Gusti Allah ora bakal nambah marang wong kang seneng paring pangapunten kejaba kemulyaan." (HR. Muslim).

Saking hadits punika, kula lan panjenengan saged mendhet piwucal bilih paring pangapunten dhumateng kaluputaning tiyang sanes mboten badhe ngasoraken drajat kita. Kosok walikipun, Gusti Allah malah badhe nambah kamulyan lan kaluhuran dhumateng sinten kemawon ingkang nggadhahi manah jembar kagem paring pangapunten saderengipun dipun suwuni. Menika dados sarana persiapan batin supados nalika mlebet wulan Ramadhan mangke, kawontenan manah kula lan panjenengan sampun resik saking raos dendam, saéngga ibadah saged katampi kanthi sampurna wonten ngarsanipun Allah SWT.Hadirin ingkang dipun mulyaaken Allah.

Jamaah jumah rahimakumullah

Sumangga sisa wektu saderengipun Ramadhan punika kula lan panjenegan gunakaken kagem gladhi (latihan). Mulai njaga lathi saking ngrasani wong liya, njaga mripat saking maksiat, lan njaga padharan saking barang ingkang haram. Mugi-mugi kula lan panjenegan sedaya pinaringan panjang yuswa ingkang barokah, saéngga saged nglampahi Ramadhan kanthi sampurna lan medal saking wulan kasebat kanthi kahanan suci kados dene bayi ingkang nembe lair.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

 

Khutbah Kaping Kalih

 

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَآ اٰتِنَا فِى الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ

Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini.

Download