.png)
Teks Khutbah Jumat Singkat
Bahayanipun Minuman Keras (Khamr)
Ustadz
Wismanto,S.Pd.I.,M.Pd.
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur mugi tansah kunjuk dhumateng Allah
Ta’ala ingkang tansah paring rahmat lan taufiq dhumateng kula lan panjenengan
satemah ing siang punika kula lan panjenengan saget pinanggih wonten majelis
ingkang minulya kanthi kebak kawilujengan. Shalawat ugi salam mugi tansah
katetepaken dhumateng nabi Muhammad SAW ingkang tansah kula
lan panjenengan tengga syafaatipun wonten ing dinten akhir. Wonten ing mimbar khutbah siang punika,
khatib wasiat sumangga tansah ningkataken taqwa dhumateng Allah kanthi
nindakaken dhawuhipun lan nebihi awisanipun
mugi kanthi taqwa Allah tansah paring kamulyan panggesangan ing dunya lan akhirat.
Jamaah
jumah rahimakumullah
Wonten ing wedhal punika, kula lan panjenengan kedah
ningali kahanan ing sakupeng kula lan panjenengan. Peredaran khamr utawi
minuman keras ing jaman sakpunika sansaya masif lan mbahayani. Boten namung ing
kitha-kitha ageng, ananging ugi sampun lumebet wonten ing pelosok desa. Ingkang
paling ngenesaken, kurban lan sasaran utamanipun inggih punika para generasi
muda, para remaja ingkang samesthinipun dados pangarep-arep agama, bangsa, lan
kulawarga.
Khamr inggih punika sedaya barang ingkang saged
ngrusak lan nutupi akal pikiran. Islam kanthi tegas sanget nglarang lan
ngaramaken khamr amargi dampakipun ingkang ngrusak sanget. Allah SWT sampun
ngendika wonten ing Al-Qur'an, Surah Al-Ma'idah ayat 90:
يَا أَيُّهَا الَّذِينَ آمَنُوا
إِنَّمَا الْخَمْرُ وَالْمَيْسِرُ وَالْأَنصَابُ وَالْأَزْلَامُ رِجْسٌ مِّنْ
عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ
“He para wong mukmin, satemene
minuman keras, judi, berkurban kanggo berhala, lan ngundi nasib iku tumindak
keji lan klebu penggaweane setan. Mula edohana tumindhak- tumindhak iku supaya
sira kabeh nemu kabegjan”. (Surah Al-Ma'idah ayat 90)
Jamaah Rahimakumullah,
Wonten ing ayat punika, Allah nggolongaken khamr
minangka rijsun (tumindak keji) lan min 'amalisy-syaithan
(penggaweanipun setan). Kanthi ngunjuk khamr, akal sehatipun manungsa bakal
ical, lan nalika akal sampun ical, raga lan atinipun bakal gampil sanget
katuntun dening hawa napsu lan setan kagem nindakaken kemaksiatan sanesipun.
Kanjeng Nabi Muhammad SAW ugi ngelingaken wonten ing
hadits riwayat An-Nasa'i:
الْخَمْرُ أُمُّ الْخَبَائِثِ
"Khamr
iku minangka indhunging (sumber) sakabehing tumindak ala lan kejahatan." (HR. AN- Nasa’i)
Mboten namung punika, Rasulullah SAW ugi paring
peringatan bilih khamr punika nyebabaken laknat kagem sedaya pihak ingkang
terlibat, mboten namung peminumipun, nanging ugi ingkang damel, ingkang ngedol,
ngantos ingkang ngirimaken.
Ma’asyiral Muslimin Rahimakumullah,
Bahaya khamr punika nyata sanget:
- Ngrusak
Kesehatan lan Akal: Khamr saged
ngrusak organ tubuh, pikiran, lan mental.
- Njenengaken
Kriminalitas: Kathah kasus
kecelakaan, tawuran, pencurian, ngantos pembunuhan ingkang diawali amargi
pengaruh minuman keras.
- Ngrusak Masa
Depan Generasi Muda: Para
nom-noman ingkang sampun ketagihan khamr bakal ical semangat sinau,
kelangan cita-cita, lan ngrusak masa depanipun piyambak.
Pramila saking punika, kula lan panjenengan sedaya
kedah bersatu lan tanggap! Pencegahan peredaran khamr punika mboten saged
namung dipunpasrahaken dhumateng aparat penegak hukum piyambak. Kula lan
panjenengan sedaya minangka perangan saking masyarakat kudu tumut nindakaken
amar ma'ruf nahi munkar.
1) Para Tiyang Sepuh: Mangga tansah njaga lan ningali pergaulanipun
putra-putrinipun. Paringi kawigaten, kasih sayang, lan pendhidhikan agama
ingkang bakoh wonten ing griya.
2) Para Tokoh Masyarakat lan
Agama: Mangga boten bosen-bosen
paring pitutur, edukasi, lan ngengetaken babagan bahayanipun khamr.
3) Para Pemuda: Mangga padha eling lan waspada, aja gelem diajak
utawa nyoba-nyoba ngombe miras. Pilih lingkungan lan prapancan ingkang sae.
4) Pemerintah lan Aparat: Mangga dipun tingkataken pengawasan lan tindakan
tegas tumrap para pengedar lan pembuat khamr ing lingkungan kula lan
panjenengan.
Panutuping
atur, sumangga kula lan panjenengan sesarengan tansah njaga dhiri pribadi,
kulawarga, sarta para generasi muda saking godha lan bahayanipun khamr.
Mugi-mugi Allah SWT tansah paring pituduh, pangayoman, sarta kekuatan dhumateng
kula lan panjenengan sedaya kagem nindakaken kabecikan lan nilar sedaya
kemaksiatan, satemah nagari lan lingkungan kula lan panjenengan tansah
pinaringan katentreman lan kaberkahan.
بَارَكَ اللهُ لِي وَلَكُمْ فِي
الْقُرْآنِ الْعَظِيْمِ، وَنَفَعَنِي وَإِيَّاكُمْ بِمَا فِيْهِ مِنَ الْآيَاتِ
وَالذِّكْرِ الْحَكِيْمِ. أَقُوْلُ قَوْلِي هَذَا وَأَسْتَغْفِرُ اللهَ لِي
وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.
Khutbah
2
اَلْحَمْدُ لِلّٰهِ حَمْدًا
كَثِيْرًا كَمَا أَمَرَ. أَشْهَدُ أَنْ لَا إِلهَ إِلَّا اللهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ اللَّهُمَّ صَلِّ وَسَلِّمْ وَبَارِكْ عَلَى رَسُوْلِ
اللَّهِ وَعَلَى اَلِهِ وَأَصْحَابِهِ وَمَنْ وَلآَهُ أَمَّا بَعْدُ فَيَا عِبَادَ اللَّهِ أُصِيْكُمْ
وَنَفْسِيْ بِتَقْوَ اللَّهِ لَعَلَّكُمْ تُرْحَمُوْنَ وَقَالَ تَعَالَى يَا اَيُّهَا الَّذِيْنَ آمَنُوْا اتَّقُوْا اللّٰهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ
وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ
الْحَاجَاتِ
رَبَّنَا هَبْ لَنَا مِنْ
أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
رَبَّنَآ اٰتِنَا فِى
الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق