.png)
Teks Khutbah Jumat Singkat
Nyegah Tumindak Bunuh Diri
Nalika Ngadhepi
Ujian
Ustadz
Wismanto,S.Pd.I.,M.Pd.
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah
jumah rahimakumullah
Puji syukur mugi tansah kunjuk dhumateng Allah
Ta’ala ingkang tansah paring rahmat lan taufiq dhumateng kula lan panjenengan
satemah ing siang punika kula lan panjenengan saget pinanggih wonten majelis
ingkang minulya kanthi kebak kawilujengan. Shalawat ugi salam mugi tansah
katetepaken dhumateng nabi Muhammad SAW ingkang tansah kula
lan panjenengan tengga syafaatipun wonten ing dinten akhir. Wonten ing mimbar khutbah siang punika,
khatib wasiat sumangga tansah ningkataken taqwa dhumateng Allah kanthi
nindakaken dhawuhipun lan nebihi awisanipun
mugi kanthi taqwa Allah tansah paring kamulyan panggesangan ing dunya lan akhirat.
Jamaah jumah rahimakumullah
Wekdal ingkang kapungkur, kula lan panjenengan mireng
kabar ingkang miris sanget ing manah. Wonten ing salah setunggal kabupaten,
kedadosan kasus bunuh diri ngantos ambal kaping kalih ing wekdal ingkang celak.
Kabar punika boten namung ndamel ngelus dada, nanging ugi dados pènget ageng
tumrap kula lan panjenengan minangka umat Islam lan warga masyarakat.
Saben manungsa ingkang gesang ing donya punika boten
bakal ucul saking ujian lan cobaan. Menapa punika rupa masalah ekonomi,
penyakit, utawi sesambungan ing kulawarga. Nanging, islam sampun paring piwucal
bilih ujian punika pinangka sarana kagem ngiyataken iman, boten malah dados
sarana bunuh diri. Allah SWT sampun ngendika ing Al-Qur'an (QS. An-Nisa: 29):
وَلَا تَقْتُلُوا أَنْفُسَكُمْ ۚ إِنَّ اللَّهَ كَانَ بِكُمْ رَحِيمًا
"Lan aja sira mateni dhiriira dhewe; sejatine
Allah iku Maha Welas Asih marang sira."
Ayat
punika minangka bukti lan pènget ageng bilih Allah SWT punika Maha Welas Asih
marang sedaya hamba-Nipun. Katresnan lan welas asihipun Allah punika wiyar
sanget, ngluwahi sedaya cobaan ingkang nembe kula lan panjenengan adhepi. Wujud
welas asihipun Allah punika uga katingal saking janji-Ipun ing sajroning
Al-Qur'an, bilih Allah boten pisan-pisan maringi ujian lan cobaan ingkang ngluwihi
wates kekuwatan manungsa (la yukallifullahu nafsan illa wus'aha). Punapa
mawon masalah ingkang kraos awrat ing mripat lan pikiran kula lan panjenengan,
sejatosipun Allah sampun ngukur lan ngawuningani bilih jiwa kula lan
panjenengan punika panci kiyat lan sanggup kagem ngandhepi ujian kasebat.
Jamaah ingkang dipun mulyaaken Allah,
Wonten tigang piwucal ingkang kedah kula lan
panjenengan gatosaken supados kulawarga lan lingkungan tebih saking tumindak
putus asa lan bunuh diri:
1.
Ingkang Kapisan: Nyinau Bilih Nyawa punika Amanah. Nyawa lan raga ingkang dipun gadhahi dening kula lan
panjenengan punika murni titipan saking Gusti Allah. Kula lan panjenengan boten
gadhah hak kagem ngrusak utawi pungkasi gesang piyambak. Tumindak bunuh diri
punika klebu dosa ageng amargi nglanggar hakekat amanah kasebat.
2.
Ingkang Kapindho: Larangan Putus Asa saking Rahmatipun
Allah. Nalika masalah krasa awrat
sanget, kula lan panjenengan kedah enget bilih rahmah lan pitulungipun Allah
punika tanpa wates. Boten wonten masalah ingkang boten wonten solusinipn. Allah
SWT ngendika ing sajroning Surat Al-Insyirah ayat 5-6:
فَإِنَّ مَعَ الْعُسْرِ يُسْرًا
- إِنَّ مَعَ الْعُسْرِ يُسْرًا
"Mula satemene bebarengan karo kangelan iku
ana perkara gampang (pitulungan).
Satemene bebarengan karo kangelan iku ana perkara gampang (pitulungan). (Al-Insyirah ayat
5-6)
3.
Ingkang Kaping Tiga: Peran Srawung lan Peduli Marang
Sesami. Asringipun tiyang ingkang
nggadhahi niat bunuh diri punika amargi rumaos piyambakan lan boten wonten
ingkang mireng sambatipun. Minangka tangga, kanca, lan kulawarga, sumangga kula
lan panjenengan langkung peka. Menawi wonten sadhèrèk ingkang ketingal murung,
bingung, utawi depresi, sumangga paring panyengkuyung, dipun mirengaken
sambatipun, lan dipun ajak nyaket dhateng Allah.
Jamaah ingkang minulya,
Pungkasaning atur,Sumangga kula lan panjenengan
tansah nyaketaken dhiri ing ngarsa-Ipun Allah SWT sarta nanamaken keyakinan
ingkang kukuh ing sajroning manah, bilih boten wonten satunggal ujian ingkang
dipun paringaken tanpa wonten jalan keluar lan solusinipun. Menawi beban ing
pundhak kraos awrat sanget lan pikiran kraos buntu, ampun pisan-pisan milih margi
ingkang dipun murkai Allah, nanging gelar sajadah lan pasrahaken sedaya muatan
jiwa ing ngarsa-Ipun Allah. Wonten ing saben sujud lan donga, kedhah wonten pengajeng-
ajeng bilih Allah mesthi paring margi lan paring Kabul sedaya panyuwunan lan
tangis kula panjenegan.
Mugi-mugi
kulawarga sarta masyarakat kula lan panjenengan sedaya tansah pinaringan
kiyating iman, ketentreman jiwa, lan dipuntebihaken saking raos putus asa nalika
ngadhepi mawarni-warni ujianing gesang. Mugi Allah SWT tansah njaga lan nuntun
jangkah kula lan panjenengan wonten ing margi ingkang dipun ridhani. Amin ya
Rabbal 'Alamin.
بَارَكَ اللهُ لِي وَلَكُمْ فِي
الْقُرْآنِ الْعَظِيْمِ، وَنَفَعَنِي وَإِيَّاكُمْ بِمَا فِيْهِ مِنَ الْآيَاتِ
وَالذِّكْرِ الْحَكِيْمِ. أَقُوْلُ قَوْلِي هَذَا وَأَسْتَغْفِرُ اللهَ لِي
وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.
Khutbah
2
اَلْحَمْدُ لِلّٰهِ حَمْدًا
كَثِيْرًا كَمَا أَمَرَ. أَشْهَدُ أَنْ لَا إِلهَ إِلَّا اللهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ اللَّهُمَّ صَلِّ وَسَلِّمْ وَبَارِكْ عَلَى رَسُوْلِ
اللَّهِ وَعَلَى اَلِهِ وَأَصْحَابِهِ وَمَنْ وَلآَهُ أَمَّا بَعْدُ فَيَا عِبَادَ اللَّهِ أُصِيْكُمْ
وَنَفْسِيْ بِتَقْوَ اللَّهِ لَعَلَّكُمْ تُرْحَمُوْنَ وَقَالَ تَعَالَى يَا اَيُّهَا الَّذِيْنَ آمَنُوْا اتَّقُوْا اللّٰهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ
وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ
الْحَاجَاتِ
رَبَّنَا هَبْ لَنَا مِنْ
أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
رَبَّنَآ اٰتِنَا فِى
الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
Posting Komentar