Teks Khutbah Jumat Singkat Bahasa Jawa: AMPUN NGERSULO MAWON

 

Teks Khutbah Jumat Singkat

Ampun Ngersulo Mawon

Ustadz Wismanto,S.Pd.I

 

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

عِبَادَ اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ قَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Puji syukur tansah kunjuk dhumateng Allah Ta’ala ingkang tansah paring rahmat lan taufiq dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan. Shalawat ugi salam mugi tansah katetepaken dhumateng nabi Muhammad ﷺ ingkang tansah kita tengga syafaatipun wonten ing dinten akhir.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanthi nindakaken dhawuhipun lan nebihi awisanipun. Mugi kanti taqwa Allah tansah paring kamulyan panggesangan wonten ing dunya dumugi akhirat. Aamiin.

Jamaah jumah rahimakumullah

Agami islam ngawisi sedaya pemelukipun anggadahi sifat gampil ngresula lan gampil ngeluh. Gesang punika kedah dipun lampahi kanthi tabah lan sabar sanadyan kadospundi awratipun. Ngeluh lan ngresula punika boten badhe ngrampungi masalah ananging malah ndandosaken masalah tambah rumit lan awrat. Menawi kula lan panjenengan tabah lan sabar ngadepi awratipun panggesangan mila Allah badhe paring pitulungan, margi ingkang gampil lan ngicalaken sedaya kesusahan. Ngendika Allah Subhanahu Wata’ala  :

وَمَنْ يَتَّقِ اللَّهَ يَجْعَلْ لَهُ مَخْرَجًا

“Sing sapa wonge taat marang Allah, mula Panjenegane Allah bakal anggampangake dalane wong iku”. (QS. At- Thalaq:2).

Jamaah jumah rahimakumullah

Islam sampun paring margi kadospundi caranipun ngadepi masalah panggesangan supados saget gampil lan entheng.

1.     Nyaket dhumateng Allah.

Margi ingkang paling pokok supados lampah panggesangan kula lan panjenegan punika gampil lan entheng inggih kanthi nyaket dhumateng Allah Subhanahu Wata’ala. Dipun akeni punapa boten, sejatosipun menawi setunggal kawula punika nyaket dhumateng Allah mila badhe anjalari raos tenang wonten ing manah. Kosok wangsulipun tansaya tebih dhumateng Allah mila tansaya tebih manah punika saking katentreman. Pramila nyaket dhumateng Allah kanthi nindhakaken dawuh- dawuhipun lan nebihi awisanipun punika dados sarana panggesangan gampil lan ayem. Ngendika Allah :

وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ

“Lan sira pada nyuwuna pitulungan marang Allah kanthi sabar lan salat, lan satemene perkara iku (sabar lan salat) temen abot rasana kejaba tumrap wong kang khusyuk”

 (QS. Al- Baqarah:45).

2.     Husnudzan dhumateng Allah

Kalebet perkawis ingkang saget andadosaken panggesangan kula lan panjenegan punika entheng lan gampil inggih punika kanthi husnuzan dhumateng Allah. Kula lan panjenengan kedah husnuzan bilih Allah boten maringi kejawi peparing punika sae lan pas tumrap kula lan panjenengan. Mekaten ugi Allah mboten nyobi utawi paring pacoben kejawi sak kiat kemampuan kula lan panjenengan. Ngendika Allah :

لَا يُكَلِّفُ اللّٰهُ نَفْسًا اِلَّا وُسْعَهَاۗ

“Allah ora merdi (paring ujian) sawiji awak kejaba sakuwate…”. (QS. Al- Baqarah: 286).

Sedaya manungsa ingkang tasih kaparingan yuswa punika mesthi nampi pacoben, werninipun pacoben punika maneka warna gumantung kawicaksananipun Allah Subhanahu Wata’ala . Boten wonten setunggal tiyang ingkang boten kaparingan pacoben. Pacoben punika sampun kaukur miterat kekiyatan manungsanipun piyambak- piyambak. Allah boten badhe paring pacoben kejawi manungsa punika estu kiyat nampi pacoben kasebat. Mila mboten perlu sambat, ngeluh, ngresula napa malih nyalahke Allah lan nganggep Allah punika boten adil utawi mboten welas.

Jamaah jumah rahimakumullah

Akhiripun sumangga kula lan panjenengan tansah yakin lan husnudzan dumateng Allah. Mugi kanthi punika panggesangan kula lan panjanengan tansah ayem, padhang lan Bahagia.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

 

Khutbah Kaping Kalih

 

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

Untuk membaca atau mencetak file khutbah jumat   singkat berbahasa Jawa ini dalam bentuk PDF silahkan download melalui tautan berikut ini 

DOWNLOAD