.png)
Teks Khutbah Jumat Singkat
Nggayuh Kabegjan Ingkang Hakiki
Ustadz
Wismanto,S.Pd.I.,M.Pd.
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur mugi tansah kunjuk dhumateng Allah
Ta’ala ingkang tansah paring rahmat lan taufiq dhumateng kula lan panjenengan
satemah ing siang punika kula lan panjenengan saget pinanggih wonten majelis
ingkang minulya kanthi kebak kawilujengan. Shalawat ugi salam mugi tansah
katetepaken dhumateng nabi Muhammad SAW ingkang tansah kula
lan panjenengan tengga syafaatipun wonten ing dinten akhir. Wonten ing mimbar khutbah siang punika,
khatib wasiat sumangga tansah ningkataken taqwa dhumateng Allah kanthi
nindakaken dhawuhipun lan nebihi awisanipun
mugi kanthi taqwa Allah tansah paring kamulyan panggesangan ing dunya lan akhirat.
Jamaah jumah rahimakumullah
Saben manungsa ing donya punika mesthi ngupaya lan
ngupadi supados saged Nggayuh Kabegjan Ingkang Hakiki. Nanging, asring manungsa
kagoda lan salah kaprah anggenipun ngartosaken kabegjan punika. Kathah tiyang
ingkang nganggep yen kabegjan punika dunungipun wonten ing bandha dunya ingkang
melimpah, pangkat lan jabatan ingkang inggil, utawi rupa ingkang elok sarta
kasohor ing tengahing masyarakat.
Nanging menawi kula lan panjenengan penggalih kanthi
wening, punapa sedaya wau saestu saged paring kabegjan ingkang langgeng?
Jawabannipun mboten. Pangkat saged lengser, bandha saged telas, lan rupa ayu
utawi bagus bakal sirna katempuh umur. Punika sedaya namung katentreman lan
kabegjan ingkang sipatipun sawetara lan fana.
Lajeng, punapa ingkang dipunwastani kabegjan ingkang
hakiki punika? Kabegjan ingkang hakiki inggih punika ketentreman ing salebeting
manah, raos ayem tentrem amargi cedhak kaliyan Allah SWT, sarta keslametan ing
donya ngantos dumugi ing akhirat. Allah SWT sampun dawuh ing dalem Al-Qur'an
Surat Ar-Ra'd ayat 28:
الَّذِينَ آمَنُوا
وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ
الْقُلُوبُ
"Yaiku
wong-wong kang beriman lan atine dadi tentrem amarga eling marang Allah.
Elinga, mung kanthi eling marang Allah atine manungsa bakal dadi tentrem." (Ar-Ra'd ayat 28)
Mboten
namung ing Al-Qur'an, Rasulullah SAW ugi paring piwucal hakikat kabegjan lan kasugihan sejati ing
dalem Hadits Shahih Riwayat Imam Muslim:
لَيْسَ الْغِنَى عَنْ كَثْرَةِ
الْعَرَضِ، وَلَكِنَّ الْغِنَى غِنَى النَّفْسِ
"Sing
diarani sugih (lan begja) iku dudu amarga akehe banda dunyo, nanging sugih kang
sejati yaiku sugihing ati. (HR. Muslim).
Para Jamaah ingkang mulya,
Saking dalil Al-Qur'an lan Hadits ing inggil, saged
dipunpethik piwucal bilih kabegjan ingkang sejati mboten dumunung ing njawi
dhiri kula lan panjenengan, nanging gumantung marang kahanan batin lan manah.
Supados kula lan panjenengan saged Nggayuh Kabegjan Ingkang Hakiki, wonten
tigang pilar utama ingkang kedah dipun-gadhahi:
Ingkang kapisan, Inggih Punika Iman lan Ketakwaan
Ingkang Bakoh.
Tiyang ingkang gadhah iman ingkang kiyat bakal tansah
ngraosaken katentreman ing batinipun. Piyambakipun ngertosi bilih sedaya
ingkang dumadi ing donya punika sampun katetepaken dening Gusti Allah. Nalika
piyambakipun tinampa pacoban ingkang awrat, imanipun bakal dados benteng
supados mboten gampang putus asa utawi ngeluh. Kosok wangsulipun, nalika
piyambakipun nampi kenikmatan lan keberhasilan, piyambakipun mboten bakal
sombong lan takabur amargi ngendelaken bilih sedaya punika namung titipan
saking Allah. Mula, ketakwaan punika minangka pondasi utama pados kabegjan
sejati.
Ingkang kaping kalih, Sikap Qana'ah (Sederhana lan
Nrimo Ing Pandum).
Qana'ah tegesipun nrimo kanthi ikhlas lan ridha marang
sedaya pambagi rejeki ingkang sampun dipungarisaken dening Allah SWT. Kathah
tiyang ingkang gadhah bandha melimpah nanging atinipun tansah grangsang,
ngelak, lan mboten nate ngraosaken cukup, amargi tansah ndeleng marang tiyang
ingkang wonten ing inggilipun. Sikep qana'ah punika ingkang dadosaken ati kula
lan panjenengan jembar, mboten gampang meri utawi drengki marang rejekining
tiyang sanes, saengga urip langkung ayem lan mboten terbebani dening syahwat
dunya.
Ingkang kaping tiga, Inggih Punika Tansah Syukur lan
Sabar.
Syukur lan sabar punika kados dene rong sisih mata
uang ingkang mboten saged dipunpisahaken ing pagesangan. Nalika kula lan
panjenengan nampi kenikmatan, sae menika nikmat kasarasan, rejeki, utawi
kulawarga ingkang harmonis, kula lan panjenengan wajib ngaturaken syukur kanthi
lisan sarta nggunakaken nikmat wau kagem ibadah. Dene nalika kula lan
panjenengan tinampa pacoban ingkang mboten dipunkepengini, kados dene gerah
utawi kacilakan, kula lan panjenengan kedah sabar. Tiyang ingkang saged
nggabungaken syukur lan sabar ing saben kahanan bakal tansah manggih kabegjan
ingkang mboten saged dipungoyang dening owah-owahan kahanan dunya.
Jamaah ingkang minulya,
Mugi-mugi
kula lan panjenengan sedaya kalebet hamba-hamba Allah ingkang mboten namung
ngupadi lan ngoyak kabegjan semu ing donya, nanging saged nggayuh kabegjan
ingkang hakiki, inggih punika ketentreman ati ing donya lan keslametan wonten
ing akhirat.
بَارَكَ اللهُ لِي وَلَكُمْ فِي
الْقُرْآنِ الْعَظِيْمِ، وَنَفَعَنِي وَإِيَّاكُمْ بِمَا فِيْهِ مِنَ الْآيَاتِ
وَالذِّكْرِ الْحَكِيْمِ. أَقُوْلُ قَوْلِي هَذَا وَأَسْتَغْفِرُ اللهَ لِي
وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.
Khutbah
2
اَلْحَمْدُ لِلّٰهِ حَمْدًا
كَثِيْرًا كَمَا أَمَرَ. أَشْهَدُ أَنْ لَا إِلهَ إِلَّا اللهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ اللَّهُمَّ صَلِّ وَسَلِّمْ وَبَارِكْ عَلَى رَسُوْلِ
اللَّهِ وَعَلَى اَلِهِ وَأَصْحَابِهِ وَمَنْ وَلآَهُ أَمَّا بَعْدُ فَيَا عِبَادَ اللَّهِ أُصِيْكُمْ
وَنَفْسِيْ بِتَقْوَ اللَّهِ لَعَلَّكُمْ تُرْحَمُوْنَ وَقَالَ تَعَالَى يَا اَيُّهَا الَّذِيْنَ آمَنُوْا اتَّقُوْا اللّٰهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ
وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ
الْحَاجَاتِ
رَبَّنَا هَبْ لَنَا مِنْ
أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
رَبَّنَآ اٰتِنَا فِى
الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق