.png)
Teks Khutbah Jumat Singkat
Saking Andalusia Dumugi Piala Dunia
Ustadz
Wismanto,S.Pd.I.,M.Pd.
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur mugi tansah kunjuk dhumateng Allah
Ta’ala ingkang tansah paring rahmat lan taufiq dhumateng kula lan panjenengan
satemah ing siang punika kula lan panjenengan saget pinanggih wonten majelis
ingkang minulya kanthi kebak kawilujengan. Shalawat ugi salam mugi tansah
katetepaken dhumateng nabi Muhammad SAW ingkang tansah kula
lan panjenengan tengga syafaatipun wonten ing dinten akhir. Wonten ing mimbar khutbah siang punika,
khatib wasiat sumangga tansah ningkataken taqwa dhumateng Allah kanthi
nindakaken dhawuhipun lan nebihi awisanipun
mugi kanthi taqwa Allah tansah paring kamulyan panggesangan ing dunya lan akhirat.
Jamaah jumah rahimakumullah
Nembe mawon kula lan panjenengan sami ningali kabar
ingkang ngremekaken jagad. Tim bal-balan Spanyol kasil dados juara dunia.
Stadion gemuruh, bendera berkibar, jutaan tiyang sami bungah.
Nanging para bapak, kula ngajak panjenengan sami mundur 500 taun kepengker.
Ing wekdal menika, Spanyol utawi ingkang dipunwastani Andalusia, boten misuwur
amargi bal-balan. Nanging misuwur amargi dados pusat peradaban Islam paling agung
wonten ing dunia.
Ing mrika wonten Kutha Cordoba. Perpustakaanipun
ngantos 400 ewu kitab. Universitasipun dipuntekani saking sadaya penjuru dunia.
Para ulama, dokter, lan ahli ngèlmu Islam gesang sesarengan kanthi tentrem
kaliyan agama sanes. Menika bukti kejayaan umat Islam.
Allah SWT sampun dawuh wonten ing Al-Qur'an:
وَتِلْكَ الْأَيَّامُ
نُدَاوِلُهَا بَيْنَ النَّاسِ
"Lan mangsa-mangsa kejayaan iku Ingsung gilir
gumatekake marang kabeh manungsa" (QS. Ali
'Imran: 140)
Ayat menika paring piwucal dhumateng kula lan
panjenengan: Kejayaan lan karuntuhan menika ngider. Dinten menika saged dados
juara, benjang saged kalah. Umat menika saged mulya, saged ugi hina. Pramila
wonten ing mimbar siang menika badhe khatib aturaken 3 piwucal utama.
1. Umat Islam Mulya Amargi Ngèlmu lan Iman
Rumiyin para ulama Andalusia boten namung pinter
ngèlmu agama, nanging ugi pinter ngèlmu dunia: kedokteran, astronomi,
matematika. Sedaya ngelmu dipun digaaken kagem ngibadah lan madosi ridha Allah.
Kados dawuh Kanjeng Nabi ﷺ:
طَلَبُ الْعِلْمِ فَرِيضَةٌ
عَلَى كُلِّ مُسْلِمٍ
"Ngudi ngèlmu iku wajib tumrap saben Muslim" (HR. Ibnu Majah)
Pramila, kagem kula lan panjenengan ing jaman modern
menika, boten wonten alesan kangge umat Islam dados tiyang ingkang kesed lan
ketinggalan jaman. Ngudi ngèlmu donya lan akhirat menika setunggal paket
ingkang boten saged dipunpisahaken. Nalika kula lan panjenengan nguasai
teknologi, kedokteran, lan sains kanthi adhedhasar iman ingkang kuat, estu
saget mbekta wibawa lan kamulyan umat Islam ing peradaban dunia.
2. Umat Islam Runtuh amargi Pecah lan Nikaraken Allah
Nalika para raja Andalusia sami rebutan kuasa, sibuk kaliyan
kemewahan, lan tebih saking masjid, mungsuh mlebu setunggal-setunggal. Granada,
benteng pungkasan, runtuh taun 1492.
Menika dados ibrah ageng: Perpecahan menika awal
saking karuntuhan.
Ibrah menika kedah dados pepènget tumrap kula lan
panjenengan sedaya. Nalika umat Islam luwih seneng tukaran amargi perkara
sepele, nengenaken gengsi lan hawa napsu, lan lali marang ibadah ing masjid,
panguwasa sarta kakuwatan bakal sirna tanpa tilas. Boten wonten benteng ingkang
paling kuat kajawi paseduluran lan persatuan umat ingkang dipuntaleni dening
ketakwaan dhumateng Allah SWT.
3. Kamenangan Sejati Boten wonten ing Stadion Kemawon
Kula lan panjenengan bungah ningali Spanyol juara.
Nanging kedah emut, kamenangan ingkang dipun kersaaken Allah menika kamenangan
iman, kamenangan akhlak, kamenangan ngibadah. Kados dawuh Allah:
وَمَا النَّصْرُ إِلَّا مِنْ
عِندِ اللَّهِ
"Lan kamenangan iku among saka ngarsane
Allah" (QS. Ali 'Imran: 126)
Gempita lan keplok tumpuk ing stadion menika sifatipun
namung sauntara lan cepet sirna. Ananging kamenangan ingkang sejati inggih
menika nalika kula lan panjenengan saged ngalahaken hawa napsu piyambak,
ngajegaken sholat berjamaah, sarta ngetrapaken akhlakul karimah wonten ing
gesang saben dinten. Menika kamenangan ingkang abadi ingkang bakal
dipun-apresiasi dening Allah SWT ngantos wonten ing akhirat.
Jamaah jumah rahimakumullah
Pramila, sumangga kula lan panjenengan sami ndonga
supados umat Islam saged "juara" malih. Juara wonten ing sholat,
juara wonten ing akhlak, juara wonten ing ngèlmu. Supados Andalusia boten
namung dados sejarah, nanging dados semangat kagem kula lan panjenegan sedaya
ningkataken kesaenan lan prestasi.
بَارَكَ اللهُ لِي وَلَكُمْ فِي
الْقُرْآنِ الْعَظِيْمِ، وَنَفَعَنِي وَإِيَّاكُمْ بِمَا فِيْهِ مِنَ الْآيَاتِ
وَالذِّكْرِ الْحَكِيْمِ. أَقُوْلُ قَوْلِي هَذَا وَأَسْتَغْفِرُ اللهَ لِي
وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.
Khutbah
2
اَلْحَمْدُ لِلّٰهِ حَمْدًا
كَثِيْرًا كَمَا أَمَرَ. أَشْهَدُ أَنْ لَا إِلهَ إِلَّا اللهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ اللَّهُمَّ صَلِّ وَسَلِّمْ وَبَارِكْ عَلَى رَسُوْلِ
اللَّهِ وَعَلَى اَلِهِ وَأَصْحَابِهِ وَمَنْ وَلآَهُ أَمَّا بَعْدُ فَيَا عِبَادَ اللَّهِ أُصِيْكُمْ
وَنَفْسِيْ بِتَقْوَ اللَّهِ لَعَلَّكُمْ تُرْحَمُوْنَ وَقَالَ تَعَالَى يَا اَيُّهَا الَّذِيْنَ آمَنُوْا اتَّقُوْا اللّٰهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ
وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ
الْحَاجَاتِ
رَبَّنَا هَبْ لَنَا مِنْ
أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
رَبَّنَآ اٰتِنَا فِى
الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق