.png)
Teks Khutbah Jumat Singkat
3 Amalan ing Wulan Muharram
Ustadz
Wismanto,S.Pd.I.,M.Pd.
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur mugi tansah kunjuk dhumateng Allah
Ta’ala ingkang tansah paring rahmat lan taufiq dhumateng kula lan panjenengan
satemah ing siang punika kula lan panjenengan saget pinanggih wonten majelis
ingkang minulya kanthi kebak kawilujengan. Shalawat ugi salam mugi tansah
katetepaken dhumateng nabi Muhammad SAW ingkang tansah kula
lan panjenengan tengga syafaatipun wonten ing dinten akhir. Wonten ing mimbar khutbah siang punika,
khatib wasiat sumangga tansah ningkataken taqwa dhumateng Allah kanthi
nindakaken dhawuhipun lan nebihi awisanipun
mugi kanthi taqwa Allah tansah paring kamulyan panggesangan ing dunya lan akhirat.
Hadirin Jamaah Jumat ingkang dipunmulyaken Allah,
Samenika kula lan panjenegan wonten ing wulan Al
Muharram, salah satunggal wulan ingkang dipunmulyaken dening Allah Swt.
(Asyhurul Hurum). Wulan punika nggadhahi keutamaan ingkang ageng sanget,
saéngga dipunsebat minangka Syarullah (Wulanipun Allah). Wonten ing
wulan ingkang kebak berkah punika, wonten 3 amal ingkang sanget dipunanjuraken
supados kula lan panjenegan lampahi:
1. Ngathah-ngathahi Siyam Sunnah
Amal ingkang kaping pisan inggih punika ngathah-ngathahi
nindakaken siyam sunnah wonten ing salebeting wulan Al Muharram. Senadyan siyam
Asyura sampun kalampahan, ananging dinten-dinten sanesipun ing wulan Muharram
punika taksih nggadhahi kautaman ingkang ageng kagem siyam sunnah, kadosdene
siyam Senin-Kamis utawi siyam Dawud.
Rasulullah saw. ngendika wonten ing hadits shahih:
أَفْضَلُ الصِّيَامِ بَعْدَ رَمَضَانَ شَهْرُ اللهِ
الْمُحَرَّمُ
"Pasa sing paling utama sakwise pasa Ramadhan
yaiku pasa ing sasine Allah, yaiku sasi Muharram." (HR. Muslim).
Hadirin, mangga dipunpenggalih mawi manah ingkang
wening. Mumpung kula lan panjenengan taksih dipunparingi wekdal wonten ing
wulan Al Muharram punika, sumangga dipungunakaken kagem nindakaken siyam sunnah
kanthi ikhlas, minangka tanda syukur dumateng ngarsanipun Allah Swt.
2. Ngathah-ngathahi Amal Shalih lan Nilar Maksiat
Amal ingkang kaping kalih inggih punika mupangataken
wulan suci punika kagem ngathah-ngathaken kesaenan lan nilar kemaksiatan. Saben
amal shalih badhe dipun tikelaken ganjarannipun, kosok wangsulipun tumindak
dosa ugi langkung awrat dosanipun tinimbang wulan sanes. Rasulullah saw.
ngendika:
اتَّقِ الْمَحَارِمَ تَكُنْ أَعْبَدَ النَّاسِ
"Adhohana perkara-perkara sing diharamake, mesti
sira bakal dadi sakapik-apike wong kang ibadah." (HR. Tirmidzi, dipunshahihaken dening Al-Albani).
Wulan Al Muharram punika momentum ingkang trep kagem
kula lan panjenegan nindakaken hijrah batiniyah. Sumangga kula lan
panjenegan nilaraken kemaksiatan kadosdene raos meri, drengki, sarta ngendika
ingkang mboten pantes. Mangga dipun agem dinten-dinten kula lan panjenegan kagem
maos Al-Quran, dzikir, lan tetulung dumateng sesami kanthi ikhlasing manah.
3. Ngathah-ngathaken Sedekah lan Nyantuni Anak Yatim
Amal ingkang kaping tiga inggih punika nggadhahi raos
welas asih dumateng sesami kanthi loman ngedalaken sedekah, utamanipun kagem
lare-lare yatim sarta tiyang ingkang dhuafa.
Rasulullah saw. ngendika:
أَنَا وَكَافِلُ الْيَتِيمِ فِي الْجَنَّةِ كَهَاتَيْنِ،
وَأَشَارَ بِأُصْبُعَيْهِ السَّبَّابَةِ وَالْوُسْطَى
"Aku lan wong sing nanggung (nyukupi kabutuhan)
anak yatim iku ana ing swarga kaya mangkene," lan Nabi paring isyarat
nganggo driji telunjuk lan driji tengahe. (HR. Bukhari).
Hadirin, wonten ing sakupengipun kula lan panjenegan
mbok bilih kathah lare-lare yatim utawi sederek ingkang kekirangan. Nalika kula
lan panjenegan ngusap sirahipun lare yatim kanthi raos tresna, sarta paring
bantuan kagem gesangipun, sajatosipun kula lan panjenegan saweg mbukak lawang swarga
lan miyaraken rejeki kula lan panjenegan piyambak. Ampun pelit dumateng bandha,
amargi menapa ingkang kula lan panjenegan sedekahaken, punika ingkang badhe
mbelani kula lan panjenegan wonten ing dinten kiamat mangke.
Hadirin Jamaah Jumat ingkang dipunmulyaken Allah,
Wulan Al Muharram sampun lumampah. Umur kula lan
panjenegan tansah berkurang, nanging dinten kiamat lan pejah tansah nyelaki.
Sumangga momentum wulan Muharram punika dipungunakaken kanthi sak saé-saénipun
lumantar 3 amal utama wonten ing nginggil. Mugi-mugi Allah Swt. tansah paring
hidayah, kekiyatan, sarta bimbingan dumateng kula lan panjenegan sedaya,
saéngga saged dados hamba ingkang istiqomah.
بَارَكَ اللهُ لِي وَلَكُمْ فِي
الْقُرْآنِ الْعَظِيْمِ، وَنَفَعَنِي وَإِيَّاكُمْ بِمَا فِيْهِ مِنَ الْآيَاتِ
وَالذِّكْرِ الْحَكِيْمِ. أَقُوْلُ قَوْلِي هَذَا وَأَسْتَغْفِرُ اللهَ لِي
وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.
Khutbah
2
اَلْحَمْدُ لِلّٰهِ حَمْدًا
كَثِيْرًا كَمَا أَمَرَ. أَشْهَدُ أَنْ لَا إِلهَ إِلَّا اللهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ اللَّهُمَّ صَلِّ وَسَلِّمْ وَبَارِكْ عَلَى رَسُوْلِ
اللَّهِ وَعَلَى اَلِهِ وَأَصْحَابِهِ وَمَنْ وَلآَهُ أَمَّا بَعْدُ فَيَا عِبَادَ اللَّهِ أُصِيْكُمْ
وَنَفْسِيْ بِتَقْوَ اللَّهِ لَعَلَّكُمْ تُرْحَمُوْنَ وَقَالَ تَعَالَى يَا اَيُّهَا الَّذِيْنَ آمَنُوْا اتَّقُوْا اللّٰهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ
وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ
الْحَاجَاتِ
رَبَّنَا هَبْ لَنَا مِنْ
أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
رَبَّنَآ اٰتِنَا فِى
الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق