.png)
Teks Khutbah Jumat Singkat
Dzulqa’dah Wulan Katentreman
lan Persatuan
Ustadz
Wismanto,S.Pd.I
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur mugi tansah kunjuk dhumateng Allah
Ta’ala ingkang tansah paring rahmat lan taufiq dhumateng kula lan panjenengan
satemah ing siang punika kula lan panjenengan saget pinanggih wonten majelis
ingkang minulya kanthi kebak kawilujengan. Shalawat ugi salam mugi tansah
katetepaken dhumateng nabi Muhammad SAW ingkang tansah kula
lan panjenengan tengga syafaatipun wonten ing dinten akhir. Wonten ing kalodhangan
khutbah siang punika, khatib wasiat sumangga tansah ningkataken taqwa dhumateng
Allah kanthi nindakaken dhawuhipun lan nebihi awisanipun
mugi kanthi taqwa Allah tansah paring kamulyan panggesangan ing dunya ngantos
dumugi akhirat.
Jamaah
jumah rahimakumullah
Sakpunika kula lan panjenengan sampun lumebet wonten
ing wulan Dzulqa'dah. Wulan punika kalebet salah satunggaling Asyhurul Hurum,
nggih punika wulan ingkang dipun mulyaken lan dipun sucekaken dening Allah SWT.
Wonten ing jaman rumiyin, para leluhur lan para sahabat ngetingalaken kamulyan
wulan punika kanthi mungkasi sedaya cecongkrah utawi peperangan.
Pramila, wonten ing tengahing gesang bebrayan punika,
prayoginipun kula lan panjenengan njagi katentreman lan kerukunan. Gusti Allah
sampun paring pepeling bilih sesami tiyang mukmin punika sedherek. Kados ingkang sinebat wonten Al-Qur’an Surat
Al-Hujurat ayat 10:
إِنَّمَا الْمُؤْمِنُونَ
إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ
لَعَلَّكُمْ تُرْحَمُونَ
Tegesipun: "Satemene
wong-wong mukmin iku sadulur, mula rukunna (dandano) antarané sadulurmu mau,
lan padha takwaa marang Allah supaya panjenengan kabeh antuk rahmat."
Jamaah jumah rahimakumullah
Menawi wonten ing tengahing
masyarakat wonten perkawis ingkang kirang saé, mbok bilih wonten salah faham
utawi benten pamanggih, sumangga dipun rampungaken kanthi manah ingkang adhem. Amargi,
memungsuhan punika namung badhe andamel karugen, boten namung rugi bandha
nanging ugi rugi iman.
Supados katentreman lan
kerukunan menika boten namung dados wacana, wonten tigang perkawis ingkang
saged kula lan panjenengan lampahi ing gesang bebrayan:
Sepisan, Njagi
Lisan saking Ghibah lan Fitnah. Kathah cecongkrah menika sumberipun saking lisan ingkang boten dipun
jaga. Ing jaman sakpunika, lisan ugi awujud tulisan wonten ing HP utawi media
sosial. Sumangga kula lan panjenengan ngginakaken lisan kagem ngendika ingkang
sae, utawi bilih boten saged, prayoginipun mendel. Kados dhawuhipun Kanjeng
Nabi: "Sapa wae kang iman marang Allah lan dina akhir, mula ngucapa
sing becik utawa menenga."
Kaping kalih,
nggadhahi Sifat "Tasamuh" utawi Tepa Selira. Wonten ing tengahing
masyarakat, mesthi wonten benten pamanggih utawi benten pilihan. Nanging benten
menika ampun ngantos dados benter (panas). Kula lan panjenengan kedah saged
nampi bilih saben tiyang nggadhahi watak ingkang mboten sami. Kanthi sifat tepa
selira, kula lan panjenengan badhe gampang paring pangapura lan mboten gampang
nesu dhumateng tangga teparo.
Kaping tiga,
Ngiyataken Silaturahmi lan Tulung-tinulung. Kerukunan badhe tuwuh
bilih kula lan panjenengan asring sapa aruh lan kersa mbiyantu kabetahanipun
sedherek sanesipun. Ampun nunggu dipun paringi bantuan, nanging sumangga kula
lan panjenengan ingkang miwiti paring pambiyantu dhumateng sesami, senadyan
namung awujud tenaga utawi panyengkuyung donga. Menika ingkang badhe
nggandhengaken manah ingkang nate rengka.
Jamaah jumah rahimakumullah
Kanjeng Nabi Muhammad SAW
sampun paring pepeling wonten ing Hadits Shahih bilih memungsuhan langkung
saking tigang dinten punika dipun larang:
لَا يَحِلُّ لِمُسْلِمٍ أَنْ
يَهْجُرَ أَخَاهُ فَوْقَ ثَلَاثِ لَيَالٍ
Tegesipun: "Ora halal
tumrap wong Muslim menowo mutus paseduluran (ora sapa aruh) klawan sedulure
luwih soko telung bengi." (HR. Bukhari lan Muslim).
Wulan Dzulqa'dah punika
wektu ingkang saé kagem kula lan panjenengan sami-sami paring pangapura. Sampun
ngantos perkawis sepele ndadosaken kula lan panjenengan boten rukun.
Katentreman ing lingkungan badhe ndadosaken ibadah kula lan panjenengan
langkung khusyuk lan gesang langkung barokah.
Mugi-mugi Allah SWT tansah
paring pituduh dhumateng kula lan panjenengan sedaya supados saged njagi lisan,
njagi tumindak, sarta njagi paseduluran wonten ing wulan Dzulqa'dah punika lan
saterusipun.
بَارَكَ اللهُ لِي وَلَكُمْ فِي الْقُرْآنِ الْعَظِيْمِ، وَنَفَعَنِي
وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ. أَقُوْلُ
قَوْلِي هَذَا وَأَسْتَغْفِرُ اللهَ لِي وَلَكُمْ، فَاسْتَغْفِرُوْهُ، إِنَّهُ
هُوَ الْغَفُوْرُ الرَّحِيْمُ.
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّدًا عَبْدُهُ وَرَسُولُهُ
يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا
تَمُوتُنَّ إِلَّا وَأَنْتُمْ مُسْلِمُونَ
إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا
الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ
وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ
وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ
مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ
وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَآ اٰتِنَا فِى الدُّنْيَا حَسَنَةً وَّفِى الْاٰخِرَةِ حَسَنَةً
وَّقِنَا عَذَابَ النَّارِ
Posting Komentar