.png)
Teks Khutbah Jumat Singkat
Amalan Ingkang Dipun
Tresnani Allah
Ustadz
Wismanto,S.Pd.I
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ , أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّداً عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ، فَيَا عِبَادَ اللهِ، أُوْصِيْكُمْ
وَنَفْسِي بِتَقْوَى اللهِ، فَقَدْ فَازَ المُتَّقُوْنَ. قَالَ اللهُ تَعَالَى فِي
الْقُرْآنِ الْكَرِيْمِ: يَا أَيُّهَا الَّذِيْنَ آمَنُوا اتَّقُوا اللهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur mugi tansah kunjuk dhumateng
Allah Ta’ala ingkang tansah paring rahmat lan taufiq dhumateng kula lan
panjenengan satemah ing siang punika kula lan panjenengan saget pinanggih
wonten majelis ingkang minulya kanthi kebak kawilujengan. Shalawat ugi salam
mugi tansah katetepaken dhumateng nabi Muhammad SAW
ingkang tansah kula lan panjenengan tengga syafaatipun wonten ing
dinten akhir. Wonten ing kalodhangan khutbah siang punika, khatib
wasiat sumangga tansah ningkataken taqwa dhumateng Allah kanthi nindakaken
dhawuhipun lan nebihi awisanipun mugi kanthi taqwa Allah
tansah paring kamulyan panggesangan ing dunya ngantos dumugi akhirat.
Jamaah jumah rahimakumullah
Saben manungsa temtu nggadhahi
kekajengan supados dipun tresnani dening Allah SWT. Amargi bilih Allah sampun
tresna, mila sedaya urusan badhe dipun gampilaken. Wonten ing satunggaling
hadits, Rasulullah SAW paring dhawuh babagan amalan ingkang dipun tresnani
Allah SWT:
أَحَبُّ الأَعْمَالِ إِلَى
اللَّهِ أَدْوَمُهَا وَإِنْ قَلَّ
"Amalan kang paling
ditresnani dening Allah yaiku amalan kang langgeng (istiqomah), senajan
sithik." (HR. Bukhari lan Muslim).
Saking hadits punika, saged
dipun pundhut piwucal bilih Allah mboten naming mirsani sepinten agengipun
amalan, nanging sepinten anggenipun kula lan panjenengan nggadhahi niat ingkang
tulus lan ajeg (istiqomah).
Jamaah ingkang dipun mulyaken
Allah,
Wonten sawetawis amalan
ingkang sanget dipun tresnani dening Allah kados ingkang dipun dhawuhaken
dening Rasulullah SAW:
Sepisan: Sholat ing
Wektunipun.
Allah paring dhawuh wonten ing
Al-Qur'an:
إِنَّ الصَّلَاةَ كَانَتْ عَلَى
الْمُؤْمِنِينَ كِتَابًا مَوْقُوتًا
"Saktemene sholat iku
dadi kewajiban kang wis ditentokake wektune tumrap wong-wong kang iman." (QS. An-Nisa: 103).
Nalika Rasulullah SAW dipun suwunipirsa:
"Amalan punapa ingkang paling dipun tresnani Allah?" Nabi
paring wangsulan: الصَّلاةُ عَلَى وَقْتِهَا (Sholat ing dalem wektune).
Punika nuduhaken bilih disiplin nindakaken sholat minangka wujud katresnan kula
lan panjenengan dhumateng Allah.
Kaping kalih: Berbakti
dhumateng Tiyang Sepuh (Birrul Walidain).
Allah SWT dhawuh wonten surat
Al-Isra ayat 23:
وَقَضَىٰ رَبُّكَ أَلَّا
تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا
"Lan Pangeranmu wis
netepake supaya sira kabeh aja nyembah liyane Panjenengane, lan supaya sira
kabeh tumindak becik marang wong tuwa kanthi becik-becike."
Kados pundi saged kula lan
panjenengan ngajeng-ajeng tresnanipun Allah, bilih kula lan panjenengan taksih
asring damel sedhihipun tiyang sepuh? Rasulullah SAW nate dhawuh bilih ridho
Allah punika gumantung ridhonipun tiyang sepuh.
Kaping tiga: Jihad ing Marginipun
Allah.
Jihad ing mriki tegesipun
nggih punika temen-temen nglawan hawa nepsu lan karsaning setan. Allah SWT
paring dhawuh:
وَالَّذِينَ جَاهَدُوا فِينَا
لَنَهْدِيَنَّهُمْ سُبُلَنَا
"Lan wong-wong kang jihad
(ngupaya kanthi temenan) ing dalan-Ku, temen-temen bakal Ingsun paringi pituduh
marang dalan-dalan-Ku." (QS. Al-Ankabut: 69).
Mugi-mugi, kanthi wekdal
ingkang sekedhap wonten ing donya punika, kula lan panjenengan saged nindakaken
amalan-amalan punika kanthi istiqomah supados pikantuk katresnanipun Allah SWT.
Jamaah jumah rahimakumullah
Pramila
saking punika, sumangga kula lan panjenengan sesarengan niyataken kanthi tulus
wonten ing manah, supados saged nindakaken amalan-amalan ingkang dipun tresnani
Allah punika. Mboten perlu nunggu wekdal ingkang sampurna, nanging sumangga
dipun wiwiti saking dinten punika, saking babagan ingkang alit, kados dene
njagi sholat jamaah, paring esem lan kabecikan dhumateng tiyang sepuh, sarta
jihad nglawan rasa males ingkang wonten ing dhiri kula lan panjenengan.
Mugi-mugi kanthi ikhtiar punika, Allah tansah paring pitedah lan nglebetaken
kula lan panjenengan wonten ing golonganipun hamba ingkang dipun tresnani.
Pungkasaning
atur, mugi-mugi ibadah Jumat punika mbeta berkah kagem gesang kula lan
panjenengan sedaya. Sumangga kula lan panjenengan tansah njagi kerukunan,
nindakaken dhawuhipun agami kanthi istiqomah, lan muga-muga nalika tilar donya
mangke, kula lan panjenengan sedaya pinaringan kahanan Husnul Khotimah. Amin ya
Rabbal 'Alamin.
أَقُوْلُ قَوْلِي هَذَا
وَاسْتَغْفِرُ اللهَ لِي
وَلَكُمْ وَلِسَائِرِ المُسْلِمِيْنَ إِنَّهُ
هُوَ السَمِيْعُ العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّدًا عَبْدُهُ وَرَسُولُهُ
يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا
تَمُوتُنَّ إِلَّا وَأَنْتُمْ مُسْلِمُونَ
إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا
الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ
وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ
وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ
مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ
وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَآ اٰتِنَا فِى الدُّنْيَا حَسَنَةً وَّفِى الْاٰخِرَةِ حَسَنَةً
وَّقِنَا عَذَابَ النَّارِ
Posting Komentar