Teks Khutbah Jumat Singkat Bahasa Jawa : NAGARI TENTREM LAN MAKMUR ANANING DADI RUSAK

 

Teks Khutbah Jumat Singkat

Nagari Tentrem lan Makmur

Ananging dadi Rusak, Mlarat lan Susah

Ustadz Wismanto,S.Pd.I

 

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

عِبَادَ اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ قَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Puji syukur tansah kunjuk dhumateng Allah Ta’ala ingkang tansah paring rahmat lan taufiq dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan. Shalawat ugi salam mugi tansah katetepaken dhumateng nabi Muhammad ﷺ ingkang tansah kula lan panjenengan tengga syafaatipun wonten ing dinten akhir.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanthi nindakaken dhawuhipun lan nebihi awisanipun. Mugi kanti taqwa Allah tansah paring kamulyan panggesangan wonten ing dunya dumugi akhirat. Aamiin.

  Jamaah jumah rahimakumullah

Nagari kula lan panjenengan sampun mardika 80 tahunan, ananging dumugi sakpunika tasih katah perkawis ingkang kedah sesarengan dipun penggalihaken kadosdene katentreman lan kemakmuran. Wonten pundi panggenan tasih katah kemiskinan, penggangguran ugi perkawis hukum ingkang dereng adil. Mila boten lepat menawi seperangan sanak sederek tasih ngeluh lan ngresula amargi dereng saget ngraosken kamardikan wonten nagarinipun piyambak.

Allah nate paring kabar wonten ing al- quran:

وَضَرَبَ اللَّهُ مَثَلًا قَرْيَةً كَانَتْ آَمِنَةً مُطْمَئِنَّةً يَأْتِيهَا رِزْقُهَا رَغَدًا مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ

“Lan Allah andamel sanepa ing sawijining negara kang kahanane biyen aman ayem lan tentrem, rejekine jembar tekane saka ngendi- ngendi panggonan. Ananging para warganing negara mau pada kufur marang nikmate Allah, banjur Allah angicipake marang wong- wong mau kemiskinan, kasusahan amarga saka tumindhake” (QS. An- Nahl: 112).

Sanepan ingkang dipun maksud wonten ayat punika injih nagari Makkah nalika warganipun ingkar lan nolak dakwahipun rasulullah SAW. Rumiyin makkah punika nagari ingkang makmur sejahtera ananging nalika Allah ngutus Muhammad SAW pinangka nabi lan rasul ingkang pungkasan seperangan warganipun ingkar lan mengsahi Muhammad, mboten kersa taat, mboten kersa ngibadah lan sewena- wena ugi dzalim dhateng tiyang sanes. Amargi masyarakat Makkah kufur lan dzalim Allah andamel paceklik lan kathah musibah sahingga umat manungsa ngraosaken rekaos susah lan menderita.

Jamaah jumah rahimakumullah

Mendet piwucal saking ayat ing nginggil wonten kalih perkawis ingkang dados sebab icalipun katentreman lan kemakmuran setunggal nagari:

 1.     Sepisan: Kufur dhumateng Allah Subhanahu wata’ala.

Sebab ingkang saget andadosaken setunggal nagari punika rusak, mlarat lan menderita inggih punika kufur dhumateng Allah. Kufur punika artosipun mboten anggadahi raos maturnuwun dhumateng Allah ingkang sampun paring nikmat lajeng mboten angginaaken kanikmatan punika wonten margi ingkang leres. Dipun paring rejeki kesupen kaliyan ingkang maringi rejeki, kepara malah dipun ginaaken kagem maksiyat. Dipun paring jabatan malah kumalungkung, boten Amanah kepara malah korupsi. Menawi warga masyarakat tumindhakipun kadospunika mila nagari kula lan panjenegan badhe nampi kacilakan lajeng ingkang ngraosaken susah rekaos sedaya warga masyarakat tanpa pilah pilih malah ingkang paling rekaos dados korbanipun inggih kawula alit kados kula lan panjenengan. Ngendika Allah:

وَاتَّقُوْا فِتْنَةً لَّا تُصِيْبَنَّ الَّذِيْنَ ظَلَمُوْا مِنْكُمْ خَاۤصَّةًۚ وَاعْلَمُوْٓا اَنَّ اللّٰهَ شَدِيْدُ الْعِقَابِ

“Lan sira pada wedia marang musibah kang ora mung bakal ngenani marang wong kang zalim wae, lan mangertia satemene siksane Allah iku pancen abot temenanan” (QS. Al- Anfal:25).

2.     Zalim dhateng sesami

Mboten namung wonten ing kitab suci al- quran, ananging ugi wonten kitab- kitab sanes dipun kabaraken bilih sampun katah umat- umat jaman rumiyin ingkang dipun azab Allah SWT amargi pendudukipun zalim dhateng sesami. Kadosdene namrud ingkang zalim dhateng rakyatipun, fir’aun ingkang sewenang- wenang dhateng rakyatipun ugi. Nagarinipun namrud ugi firaun rumiyin nagari ingkang aman lan makmur ananging amargi zalim dhateng rakyatipun mila Allah paring azab, lan siksa ingkang awrat.

Jamaah jumah rahimakumullah

Mila sumangga kula lan panjenegan tansah nebihi tumindhak kufur lan zalim. Mugi kanthi punika Allah SWT enggal maringi kesaenan kaberkahan dhumateng nagari kula lan panjenengan Indonesia punika. Aamiin

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah Kaping Kalih

 

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini

DOWNLOAD