Khutbah Jumat Singkat Bahasa Jawa : TIYANG INGKANG DIPUN MULYAAKEN ALLAH

 

Teks Khutbah Jumat Singkat

Tiyang Ingkang Dipun Mulyaaken Allah

Ustadz Wismanto,S.Pd.I

 

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

عِبَادَ اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ قَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Puji syukur mugi tansah kunjuk dhumateng Allah Ta’ala ingkang tansah paring rahmat, taufiq sarta hidayah dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan.

Shalawat ugi salam mugi tansah katetepaken dhumateng nabi agung Muhammad ﷺ ingkang tansah kula lan panjenengan tengga syafaatipun wonten ing dinten akhir. Aamin.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dawuhipun lan nebihi awisanipun. Mugi kanti taqwa Allah tansah paring kamulyan panggesangan fiddunya wal akhirah. Aamiin.

Jamaah jumah rahimakumullah

Estu kula lan panjenengan mesthi ngersaaken pinaringan gesang ingkang minulya. Lajeng kadospundi sejatosipun tanda- tanda gesang ingkang minulya punika?. Seperangan tiyang kagungan pemanggih nalika jabatanipun inggil, utawi bandanipun katah punika tanda pinaringan kamulyan. Menawi mekaten lajeng napa bentenipun kaliyan firaun, haman lan qarun? Tiyang- tiyang kasebat mboten kirang bandanipun, jabatanipun, ananging punapa fir’aun, haman lan qarun dipun mulyaaken Allah?. Temtu jawabanipun mboten, malah firaun, haman lan qarun punika kalebet ingkang pinaringan kacilakan saking ngarsanipun Allah.

Jamaah jumah rahimakumullah

Mila wonten mimbar khutbah jumat siang punika badhe khatib aturaaken seperangan tanda menawi manungsa punika dipun mulyaaken Allah.

 

1.     Dipun dadosaken tiyang ingkang paham agami

Paham tuntunan agami mujudaken salah setunggal tanda bilih tiyang kasebat dipun tresnani lan dipun mulyaaken Allah. Ngendika Rasulullah ﷺ:

مَن يُرِدِ اللهُ به خيرًا يُفَقِّهْه في الدينِ

“Sapa wonge dikersaake Allah kebecikan ing deweke, mula dipahamake ing urusan agama” (HR. Bukhari lan Muslim)

Salah setunggal tanda bilih Allah pingin mulyaaken manungsa saget katitik tiyang kasebat sregep sinau ilmu agami, remen dhumateng majlis- majlis ilmu, ugi remen srawung kaliyan tiyang- tiyang ingkang ngudi ilmu. Sahingga kanti remen ngudi ilmu tiyang kasebat paham dawuh lan laranganipun Allah, paham perkawis ingkang halal lan haram lan paham perkawis ingkang haq ugi bathil. Allah ngendika ing Al- quran:

يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ

“Allah bakal ngluhurake para wong mukmin saka sira kabeh, apa dene wong kang kaparingan ilmu kalawan pirang- pirang derajat…”. (Al Mujaadilah: 11)

2.         Tansah remen koreksi diri/ mawas diri

kula lan panjenegan punika namung makhluk alit ingkang ringkih, sedaya sarwa winates. Sejatosipun kula lan panjenegan punika sanes sinten- sinten lan boten saget punapa- punapa, kejawi menawi dipun paring pitulungan dening Allah SWT.

Mila boten perlu rumaos sombong amargi boten wonten ingkang saget dipun sombongaken.

·         Badan/ fisik punika namung titipan.

·         Akal fikiran ugi namung titipan.

·         Bandha napa malih, sedaya namung titipan.

Mila punapa pantes tiyang ingkang namung nampi titipan kok malah sombong?

Amirul mukminin Umar bin Khatab nate paring wejangan:

حَاسِبُوا أَنْفُسَكُمْ قَبْلَ أَنْ تُحَاسَبُوا

“sira pada hisaben badanira (pada koresia diri), sakdurunge sira dihisab (ana ing dina kiyamat).”

Tiyang ingkang saget koreksi diri estu mujudaken ciri tiyang ingkang dipun kersaaken Allah mulya panggesanganipun. Lan kosok wangsulipun tiyang ingkang boten saget koreksi diri, boten saget mawas diri ciri tiyang ingkang sampun gagal gesangipun.

Jamaah jumah rahimakumullah

Cekak aosipun sumangga kula lan panjenengan tansah remen sinau ilmu agami lan remen koreksi diri, mugi kanthi punika Allah tansah paring kamulya panggesangan ing dunya ngantos dumugi akhirat.

Aamiin.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah Kaping Kalih

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

Untuk membaca atau mencetak file khutbah jumat   singkat berbahasa Jawa ini dala bentuk PDF silahkan download melalui tautan berikut ini 

DOWNLOAD