Teks Khutbah Jumat Singkat Bahasa Jawa : DINTEN DAHAR LAN NGUNJUK

 

Teks Khutbah Jumat Singkat

Dinten Dahar lan Ngunjuk

Ustadz Wismanto,S.Pd.I

 

Khutbah Awal

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

فَيَا أَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ فَقَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Puji syukur mugi tansah kunjuk dhumateng Allah Ta’ala ingkang tansah paring rahmat, taufiq sarta hidayah dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan.

Shalawat ugi salam mugi tansah katetepaken dhumateng nabi agung Muhammad ﷺ ingkang tansah kula lan panjenengan tengga syafaatipun wonten ing dinten akhir. Aamin.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dawuhipun lan nebihi awisanipun. Mugi kanti taqwa Allah tansah paring kamulyan panggesangan fiddunya wal akhirah. Aamiin.

 Jamaah jumah rahimakumullah

Dinten agung, dinten minulya lan dinten riyayanipun kaum muslimin ingkang kula lan panjenengan tengga estu sampun rawuh. Siang punika kula lan panjenengan estu sampun pinanggih lan ngraosaken agungipun dinten riyaya idul adha 1446 H. Penetapan diten idul adha tahun punika saget sesarengan ing antawisipun Muhammadiyah, NU ugi Kemenag, satemah nambahi raos agung lan nikmatipun suasana dinten riyaya.

Jamaah jumah rahimakumullah

Wonten ing dinten riyaya punika prayogi sanget kula lan panjenengan mangertosi tuntunan adab- adab lan amalan ingkang dipun anjuraken dening islam. Salah setunggal amalan ingkang dipun anjuraken wonten ing dinten idul adha lan dinten tasyrik inggih punika ngatah- ngatahi raos syukur. Rumiyin Rasulullah SAW ndawuhi para sahabat ngginaaken dinten idul adha lan dinten tasyrik kagem dahar ngunjuk lan dzikir pinangkan raos syukur dhumateng Allah SWT. Ngendika Rasulullah SAW :

أَيَّامُ التَّشْرِيقِ أَيَّامُ أَكْلٍ وَشُرْبٍ

“Dina- dina tasyrik iku dina kanggo mangan lan ngombe” (HR. Muslim).

Wonten Riwayat sanes Rasulullah ngendika:

أَيَّامُ التَّشْرِيقِ أَيَّامُ أَكْلٍ وَشُرْبٍ وَزَادَ فِي رواية وَذِكْرٍ لِلَّهِ 

“Dina- dina tasyrik iku dina kanggo mangan ngombe (lan ana tambahan redaksi) lan dzikir marang Allah ” (HR. Muslim).

Jamaah jumah rahimakumullah

Prayogi dipun penggalih kanthi estu, bilih kula lan panjenengan kadhang kala sampun tumindhak dzalim dhateng badanipun piyambak- piyambak. Kula lan panjenegan kadhang kala ngantos kesupen dahar, kesupen istirahat amargi pedamelan, sahingga badan punika rusak, asring gerah amargi dipun forsir.

Mila Islam paring piwucal ingkang utama supados kula lan panjenengan wicaksana anggenipun ngginaaken wekdal ugi ngginaaken badan punika. Salah setunggalipun kanthi paring piwucal dahar ngunjuk wonten ing idul adha lan dinten tasyrik. Sumangga dipun atur wekdalipun, ampun dipun forsir kagem makaryo terus- terusan ananging dipun longgaraken kagem menikmati dahar lan ngunjuk. Kanthi dahar ngunjuk ingkang eca lan sekeca mugi- mugi ndayani lan dados jalaran sehatipun badan kula lan panjenengan, tebih saking penyakit, pinaringan keberkahan satemah saget ngraosaken panggesangan ingkang ayem tentrem, bahagia lahir lan bathin.

Jamaah jumah rahimakumullah

Mekaten khutbah jumat ingkang khatib aturaken, mugi Allah SWT tansah paring hidayah, taufik, Kesehatan ketentreman lan kamulyan panggesangan ing dunya ngantos dumugi akhirat. Amiin.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah Kaping Kalih

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

Untuk membaca atau mencetak file khutbah jumat   singkat berbahasa Jawa ini dalam bentuk PDF silahkan download melalui tautan berikut ini 

DOWNLOAD