.jpg)
Teks Khutbah Jumat Singkat
Qurban ingkang
Ditampi Allah Ta’ala
Ustadz
Wismanto,S.Pd.I
Khutbah Awal
الْحَمْدُ لِلَّهِ الَّذِي هَدَانَا لِهَذَا وَمَا
كُنَّا لِنَهْتَدِيَ لَوْلَا أَنْ هَدَانَا اللَّهُ
أَشْهَدُ أَنْ لاَ إِلَهَ إِلاَّاللهُ وَحْدَهُ لاَ
شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ
اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ
تَبِعَهُمْ بِإِحْسَانٍ إِلَى يَوْمِ الدّيْن
فَيَا أَيُّهَا الْحَاضِرُوْنَ. اِتَّقُوا اللهَ
حَقَّ تُقَاتِهِ فَقَالَ اللهُ تَعَالَى
يَا أَيُّهَا
الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ
مُسْلِمُونَ
Puji syukur mugi tansah kunjuk dhumateng Allah Ta’ala ingkang
tansah paring rahmat, taufiq sarta hidayah dhumateng kula lan
panjenengan satemah ing siang punika kula lan panjenengan saget pinanggih
wonten majelis ingkang minulya kanthi kebak kawilujengan.
Shalawat ugi salam mugi tansah katetepaken dhumateng nabi agung
Muhammad ﷺ ingkang tansah kula lan
panjenengan tengga syafaatipun wonten ing dinten akhir. Aamin.
Jamaah jumah rahimakumullah
Wonten kesempatan khutbah siang punika khatib wasiat sumangga
tansah ningkataken taqwa dhumateng Allah kanti nindakaken dawuhipun lan nebihi awisanipun. Mugi kanti taqwa Allah
tansah paring kamulyan panggesangan fiddunya wal akhirah. Aamiin.
Allah
Subhanahu Wata’ala andamel
syariat agami pinangka sarana supados umat manungsa saget nyaket ing Allah. Kanthi
taat lan ngugemi sedaya pranata agami arupi ibadah, muamalah lau ugi aqidah kula
lan panjenengan saget nggayuh derajat ingkang utama inggih punika manungsa
ingkang caket dhumateng Allah Subhanahu Wata’ala . Mila salah setunggal
tanda katampinipun ibadah ingkang kula lan panjenegan tindhakaken punika menawi
saget andadosaken kula lan panjenegan tansaya taat lan nyaket dhumateng Allah Subhanahu
Wata’ala .
Mekaten
ugi ibadah qurban ingkang sekedap malih badhe dipun tindhakaken, tujuanipun
supados kula lan panjenegan saget nyaket dhumateng Allah Subhanahu Wata’ala
. Mila wonten ing Al- Quran Allah Subhanahu Wata’ala paring kabar:
وَاتْلُ عَلَيْهِمْ نَبَأَ
ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا
وَلَمْ يُتَقَبَّلْ مِنَ الْآخَرِ قَالَ لَأَقْتُلَنَّكَ قَالَ إِنَّمَا
يَتَقَبَّلُ اللَّهُ مِنَ الْمُتَّقِينَ
Artosipun:
“He Muhammad, sira macakna marang umat ira bab sejarahe putrane loro nabi Adam (Qabil
lan Habil) kalawan bukti sejarah kang bener. Yaiku nalika sakarone padha cahos
qurban mangka kang siji katampa lan sijine ora katampa. Deweke kang ora katampa
iku ngucap: “satemene aku mesti mateni kowe” Dheweke kang katampa mangsuli:
“satemene Allah hamung anampa qurban saka amale wong kang padha taqwa marang
Panjenengane.” ( Al Maidah; 27)
Jamaah
jumah rahimakumullah
Miterat
Imam Thabari wonten tafsiripun bilih qurban ingkang katampi inggih punika
qurbanipun Habil awit Habil cahos qurban saking kewan ternakipun ingkang paling
sae. Qurbanipun Qabil mboten katampi Allah amargi piyambakipun cahos qurban
saking hasil panen pertanian ingkang
mboten sae.
Miterat
Ibnu Asyur wonten tafsiripun bilih Allah Subhanahu Wata’ala mboten nampi qurbanipun Qabil amargi
piyambakipun mboten taat dumateng Allah Subhanahu Wata’ala . Ibnu Asyur
njelasaken bilih Allah Subhanahu Wata’ala nampi qurbanipun tiyang ingkang taqwa
tegesipun tiyang ingkang ngamal kanti ikhlas. Mila qurbanipun Qabil mboten
katampi amargi Qabil mboten ikhlas rikala nindakaken dawuhipun Allah Subhanahu Wata’ala .
Imam
As- Syatibi njelasaken bilih ruh utawi inti sedaya amal injih punika taqwa.
Mila tujuan qurban inggih punika supados manungsa tansaya taat dumateng Allah Subhanahu Wata’ala lan perduli dumateng sesami. (Al- Muwafaqat).
Jamaah jumah rahimakumullah
Mekaten ugi Allah ngendika wonten ing Al quran surat Al Haj ayat 37:
لَنْ
يَنَالَ اللَّهَ لُحُومُهَا وَلا دِمَاؤُهَا وَلَكِنْ يَنَالُهُ التَّقْوَى مِنْكُمْ
Artosipun : “ora bakal
katampa ing Allah daginge lan getihe qurban, ananging kang bakal katampa dening
Allah iku taqwanira kabeh . . .(Al
Haj: 37)
Ibnu Katsir ngendika: “ayat iku pinangka dalil menawa kang nyebabake
qurban iku katampa ing Allah amarga ikhlase lan taqwane shahibul qurban”
(Tafsir Al- Quranul Aziim)
Kanthi punika sumangga kula lan panjenegan mendet piwucal bilih inti
ibadah qurban lan ibadah sanesipun inggih punika taqwa. Artosipun ibadah
ingkang kula lan panjenengan lampahi kedahipun tansaya ndadosaken ajrih lan
taat dumateng Allah Subhanahu
Wata’ala .
Jamaah jumah rahimakumullah
Mekaten khutbah jumat ingkang khatib aturaken siang punika, mugi- mugi
Allah tansah paring taufiq sarta hidayah dhumateng kula lan panjenegan satemah
saget tansaya taat lan istiqamah wonten ing margi ingkang dipun ridhai Allah Subhanahu Wata’ala . Aamiin
أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ
عَلَى أَشْرَافِ الأَنْبِيَاءِ
وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
يَا أَيُّهَا الَّذِينَ آمَنُوا
اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
إِنَّ
اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا
صَلُّوا عَلَيْهِ وَسَلِّمُوا تَسْلِيمًا
اَللَّهُمَّ
صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ
وَأَزْوَاجِهِ وَذُرِّيَّاتِهِ أَجْمَعِيْنَ
اَللَّهُمَّ
اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ
مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ
أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini
إرسال تعليق