Teks Khutbah Jumat Singkat Bahasa Jawa : PIWULANG PAGESANGAN SAKING MAULID NABI SAW

 

Teks Khutbah Jumat Singkat

Piwulang Pagesangan

Saking Maulid Nabi ﷺ

Ustadz Wismanto,S.Pd.I

 

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

عِبَادَ اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ قَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Puji syukur tansah kunjuk dhumateng Allah Ta’ala ingkang tansah paring rahmat lan taufiq dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan. Shalawat ugi salam mugi tansah katetepaken dhumateng nabi Muhammad ﷺ ingkang tansah kula lan panjenengan tengga syafaatipun wonten ing dinten akhir.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanthi nindakaken dhawuhipun lan nebihi awisanipun. Mugi kanti taqwa Allah tansah paring kamulyan panggesangan wonten ing dunya dumugi akhirat. Aamiin.

 Jamaah jumah rahimakumullah

Nabi Muhammad miyos ing Mekah dinten Senin tanggal 12 wulan Rabiul Awal warsa Gajah utawi 20 April 571 Masehi. Dipun sebat warsa gajah amargi ing tahun miyosipun Muhammad wonten pasukan gajah saking nagari Yaman ingkang dipun pimpin dening Abrahah badhe ngrubuhaken ka’bah kados kaserat ing al-quran  surat Al- Fiil.

Yuswa 40 tahun muhammad pikantuk wahyu saking Allah SWT lajeng dipun utus pinangka nabi lan rasul ingkang pungkasan. Allah ngutus Muhammad SAW supados mbiwaraaken tatanan panggesangan ingkang guyup, rukun, ayem, adil lan Makmur. Ngedika Allah:

وَمَآ اَرْسَلْنٰكَ اِلَّا رَحْمَةً لِّلْعٰلَمِيْنَ

“Lan ingsun ora ngutus sira, kejaba supaya dadi rahmat marang alam jagat raya” (Qs. Al- Anbiya: 107)

Jamaah jumah rahimakumullah

Kalebet perkawis pokok ingkang dipun wucalaken rasulullah inggih punika tata aturan gesang ing masyarakat bangsa lan nagari. Punapa kemawon piwucal kasebat ?

1.     Dhawuh adil nalika mimpin masyarakat.

Ngendika Allah SWT :

إِنَّ اللَّهَ يَأْمُرُ بِالْعَدْلِ وَالْإِحْسَانِ

“Satemen Allah dhawuh tumindhak adil lan becik…” (QS. An- Nahl:90).

Ing ayat sanes Allah SWT ugi ngendika:

وَأَقْسِطُوا إِنَّ اللَّهَ يُحِبُّ الْمُقْسِطِينَ

“Lan tumindhaka adil, satemene Allah iku tresna marang wong- wong kang tumindhak adil”. (QS. Al- Hujurat:9)

Pemimpin punika wajib tumindhak adil dhumateng rakyatipun, adil nedahaken ciri tiyang ingkang iman. Pemimpin ingkang adil esthu badhe pikantuk ganjaran ingkang agung saking ngarsanipun Allah SWT. Mekaten ugi islam ngawisi pemimpin tumindhak dzalim. Sinten kemawon ingkang tumindhak dzalim mesthi badhe nampi azab lan kacilakan ing donya lan akhirat.

2.     Awisan tumindhak anarkis

Piwucal nabi saklajengipun inggih punika awisan tumindhak anarkis wonten ing kahanan punapa kemawon. Ing islam ngaturaken aspirasi, kritik lan saran dhateng pemimpin dipun keparengaken. Menawi pemimpin boten leres anggenipun ngayahi jejibahan ngatur nagari, rakyat dipun keparengaken caos saran, masukan lan kritik. Ngaturaken kritik lan saran kedahipun ngagem cara ingkang adem, wicaksana boten emosi napa malih anarkis.  Ngendika Allah SWT :

وَلَا تُفْسِدُوا فِي الْأَرْضِ بَعْدَ إِصْلَاحِهَا

“Lan sira aja padha gawe rusak ana ing bumi sawuse becik tata-tentreme…”.

(QS.al- A’raf:56).

Mila sumangga kula lan panjenegan menawi badhe caos saran masuka dhateng pemerintah kedahipun ngagem cara damai, adem ayem lan nebihi tumindhak anarkis.

Jamaah jumah rahimakumullah

Akhiripun kanthi mendet piwucal maulid nabi tahun punika sumangga kula lan panjenengan tansah njagi kerukunan panggesangan wonten ing nagari indonesia punika. Mugi Allah tansah njagi nagari punika saking sedaya musibah lan malapetaka. Aamiin.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

 

Khutbah Kaping Kalih

 

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini

DOWNLOAD