Teks Khutbah Jumat Singkat Bahasa Jawa : AJINING DIRI GUMANTUNG SAKA LATHI

 

Teks Khutbah Jumat Singkat

Ajining Diri Gumantung Saka Lathi

Ustadz Wismanto,S.Pd.I

 

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

عِبَادَ اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ قَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

Jamaah jumah rahimakumullah

Puji syukur tansah kunjuk dhumateng Allah Ta’ala ingkang tansah paring rahmat lan taufiq dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan. Shalawat ugi salam mugi tansah katetepaken dhumateng nabi Muhammad SAW ingkang tansah kula lan panjenengan tengga syafaatipun wonten ing dinten akhir.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanthi nindakaken dhawuhipun lan nebihi awisanipun. Mugi kanti taqwa Allah tansah paring kamulyan panggesangan wonten ing dunya dumugi akhirat. Aamiin.

Jamaah jumah rahimakumullah

Wekdal sakpunika kula lan panjenegan nembe dipun ajak sinau tadabbur ayat- ayat kauniyah magepokan wigatosipun njagi lisan. Nembe kemawon wonten ing nagari Indonesia geger gedhen amargi dipun sebabaken ulah oknum pejabat ingkang boten saget njagi lisan. Geger ugi dipun susul nagari sanes kados Nepal, Perancis, Australia, Filipina lan sanesipun. Salah setunggal pemicu demo inggih punika katah oknum ingkang semena- mena dhumateng rakyat lan mboten saget ngontrol lisanipun. Mila leres pangandikanipun Rasulullah nalika dipun suwuni pirsa babagan penyebab cilakanipun manungsa, Panjeneganipun ngendika bilih penyebabipun lisan lan farji. Ngendika Rasulullah:

وَسُئِلَ عَنْ أَكْثَرِ مَا يُدْخِلُ النَّاسَ النَّارَ فَقَالَ الْفَمُ وَالْفَرْجُ  

“… lan panjeneganipun rasul disuwuni pirsa perkara kang paling akeh nyebabake manungsa mlebu neraka (cilaka): Mula ngendika Rasul: yaiku lisan lan farji. (HR Tirmidzi).

Jamaah jumah rahimakumullah

Wonten mimbar khutbah ingkang minulya punika khatib boten badhe matur perkawis politik, demo utawi geger ingkang kedadosan wonten ing pundi- pundi, ananging badhe ngajak jamaah jumat mendet piwucal wigatosipun njagi lisan. Mbok menawi kula lan panjenegan nate mireng unen- unen ajining diri iku saka ing lathi ingkang maksudipun harga diri manungsa punika gumantung saking pangandikan lisanipun.

Islam sampun paring dhawuh ingkang ceta sanget babagan wigatosipun njagi lisan. Ngendika Allah SWT :

يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلا سَدِيدًا

“He para wong mukmin, sira pada taqwaa marang Allah lan pada ngucapa kalawan ucapan kang bener”. (QS. Al-Ahzab;70).

Jamaah jumah rahimakumullah

Rasulullah SAW sampun wongsal- wangsul paring pepemut dhumateng sedaya umatipun supados ngatos-atos ngginaaken lisan. Kula lan panjenengan wajib menggalih sakderengipun ngendikan. Pangandikan ingkang badhe medal saking lisan punika kadospudi dampakipun ing sakmangkih kedah dipun penggalih estu. Punapa pangandikan ingkang kula lan panjenengan lampahi mbekta kesaenan napa malah mbekta kacilakan punika kedhah dipun penggalih. Ampun ngantos kula lan panjenengan cilaka amargi mboten saget ngginaaken lisan kanthi sae. Ngendika Rasulullah:

أَكْثَرُ خَطَايَا إِبْنِ آدَمَ فِي لِسَانِهِ

“Perkara kang paling akeh nyebabake anak Adam cilaka yaiku Amarga lisane” (HR. Tabrani).

Wonten hadits sanes Rasulullah ugi ngendika:

مَنْ كَانَ يُؤْمِنُ بِاللّٰهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ

“Sing sapa iman marang Allah lan dina akhir mula kudune ngomong kang becik utawa meneng” (HR. Al- Bukhari)

Jamaah jumah rahimakumullah

Kanthi erah- erahan punika mugi saget dados pepemut tumrap kula lan panjenengan khususipun wonten perkawis njagi lisan. Mugi kula lan panjenengan tansah pinaringan manah engkang wening satemah saget menggalih kanthi lebet sakderengipun ngendikan utawi tumindhak. Ing akhiripun mugi Allah tansah andadosaken kula lan panjenegan tiyang- tiyang ingkang pinaringan kawilujengan panggesangan ing dunya lan akhirat. Aamiin.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

 

Khutbah Kaping Kalih

 

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَآ اٰتِنَا فِى الدُّنْيَا حَسَنَةً وَّفِى الْاٰخِرَةِ حَسَنَةً وَّقِنَا عَذَابَ النَّارِ

Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini

DOWNLOAD