-min.png)
Teks Khutbah Jumat Singkat
Pilihan Allah
Punika Ingkang Paling Sae
Ustadz
Wismanto,S.Pd.I
الْحَمْدُ
لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ
هَدَانَا اللَّهُ
أَشْهَدُ
أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّداً عَبْدُهُ وَرَسُوْلُهُ
اَللَّهُمّ صَلِّ وَسَلِّمْ عَلى مُحَمّدٍ وَعَلى
آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن
عِبَادَ
اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ قَالَ
اللهُ تَعَالَى
يَا أَيُّهَا الَّذِينَ آمَنُوا
اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah
jumah rahimakumullah
Puji syukur tansah kunjuk dhumateng Allah Ta’ala ingkang
tansah paring rahmat lan taufiq dhumateng kula lan panjenengan satemah ing
siang punika kula lan panjenengan saget pinanggih wonten majelis ingkang
minulya kanthi kebak kawilujengan. Shalawat ugi salam mugi tansah katetepaken dhumateng nabi Muhammad ﷺ ingkang
tansah kita tengga syafaatipun wonten ing dinten akhir.
Jamaah
jumah rahimakumullah
Wonten kesempatan khutbah siang punika khatib wasiat sumangga tansah ningkataken taqwa dhumateng
Allah kanthi nindakaken dhawuhipun lan nebihi awisanipun. Mugi
kanti taqwa Allah tansah paring kamulyan panggesangan wonten ing dunya dumugi
akhirat. Aamiin.
Jamaah
jumah rahimakumullah
Ingkang paling sae punika
pilihanipun Allah. Sejatosipun ingkang mangertosi sangkan paran tumitahipun
alam donya punika namung Panjeneganipun Allah. Allah ingkang nitahaken kula lan
panjenengan lan ingkang mangertosi punapa kemawon ingkang sae tumrap kula lan
panjenengan. Ngendika Allah Subhanahu Wata’ala :
أَلاَيَعْلَمُ مَنْ خَلَقَ وَهُوَ اللَّطِيفُ الْخَبِيرُ
“Apa
hiya Allah kang andamel makhluk iku ora nguningani ?. Mesthi Uninga,
Panjenegane iku Maha Alus ing PamirsaNe tur Maha Waspada (QS. Al- Mulk: 14).
Jamaah
jumah rahimakumullah
Kadhang kala kula lan
panjenegan kagungan rencana ingkang miterat pangertosan nggih paling sae.
Rencana kala wau lajeng dipun ikhtiyari supados saget ginayuh. Ananging
kasunyatanipun gegayuhan kala wau boten saget kasembadan utawi gagal. Utawi
kula lan panjenengan pikantuk perkawis ingkang mboten trep kaliyan gegayuhan.
Mila bapak- bapak jamaah
jumat, menawi kula lan panjenegan sampun ikhtiyar ngupadi lan ugi dedonga
sejatosipun Allah badhe maringi pilihan ingkang paling sae lan paling pas
tumrap kemaslahatan kula lan panjenengan. Sepisan malih kula ambali, Allah
badhe maringi pilihan ingkang paling sae lan paling pas tumrap kemslahatan kula
lan panjenengan. Sanadyan pilihan ingkang kaparingaken dhumateng kula lan
panjenengan punika kadosipun mboten sak trep kaliyan kekajengan lan kepinginan.
Ngendika Allah Subhanahu Wata’ala
:
وَعَسَى أَن تَكْرَهُوا شَيْئًا وَهُوَ خَيْرٌ لَّكُمْ
“Ngertia
kadhang kala perkara kang sira gethingi iku becik tumrap sira…” (QS. Al- Baqarah: 216).
Jamaah jumah rahimakumullah
Sasampunipun kula lan
panjenegan pirsa bilih pilihan Allah ing bab napa kemawon punika ingkang paling
sae tumrap kula lan panjenegan, mila kedahipun:
Sepisan:
ridha lan syukur, kula lan panjenegan kedah ridha dhumateng sedaya
pilihanipun Allah. Ridha punika artosipun
nrimah kanthi lila legawa lan remen dhumateng sedaya pepesti lan
pilihanipun Allah kanthi keyakinan bilih peparingipun Allah punika ingkang
paling sae lan paling pas tumrap panggesangan kula lan panjenengan. Peparing
ingkang arupi punapa kemawon punika sampun pas; peparing rejeki, peparing
garwa, putra, keluarga, pakaryan lan sedaya ing bab punapa kemawon. Manah
ingkang ridha dhumateng peparingipun Allah saget njalari tuwuhipun raos syukur.
Menawi kula lan panjenegan saget syukur mila pannggesangan punika raosipun
nikmat sanget. Ngendika Allah SUBHANAHU WATA’ALA :
وَاِذْ تَاَذَّنَ رَبُّكُمْ لَىِٕنْ شَكَرْتُمْ لَاَزِيْدَنَّكُمْ
“Lan pada elinga sira nalika
Pengeranira dhawuh, menawa sira pada syukur temen bakal Ingsung tambahi nikmat
Ingsung marang sira kabeh… ( QS. Ibrahim: 7) .
Kaping kalih: mboten
ngresula lan su’udzan dhumateng Allah. Ngresula napa malih
su’udzan dhumateng Allah punika malah tansaya andadosaken manah susah tebih
saking raos kabahagiaan. Mila menawi wonten tiyang ingkang namung sambat,
ngresula lan kufur dhumateng peparingipun Allah punika mesake sanget,
gesangipun mesti nelangsa lan awrat. Kanthi punika kula lan panjenengan boten
pareng ngresula napa malih kufur dhumateng Allah Subhanahu Wata’ala .
Jamaah jumah rahimakumullah
Akhiripun sumangga kula lan panjenengan tansah yakin bilih peparing
ingkang sampun Allah pilihaken dhumateng kula lan panjenegan punika ingkang
paling sae. Mugi kanthi keyakinan ingkang kados punika gesang kula lan
panjenegan tansah ayem lan Bahagia. Aamiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
وَأَشْهَدُ أَنْ لاَ إِلَهَ إِلاَّ
اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
يَا أَيُّهَا الَّذِينَ آمَنُوا
اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
إِنَّ اللهَ وَمَلَائِكَتَهُ
يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا
تَسْلِيمًا
اَللَّهُمَّ صَلِّ وَسَلِّمْ
وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ
وَذُرِّيَّاتِهِ أَجْمَعِيْنَ
اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ،
إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ أَنْتَ اللَّهُ لَا
إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini
Posting Komentar