-min.png)
Teks Khutbah Jumat Singkat
Ampun Bosen Tumindak Kabecikan
Ustadz
Wismanto,S.Pd.I
الْحَمْدُ
لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ
هَدَانَا اللَّهُ
أَشْهَدُ
أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّداً عَبْدُهُ وَرَسُوْلُهُ
اَللَّهُمّ صَلِّ وَسَلِّمْ عَلى مُحَمّدٍ وَعَلى
آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن
عِبَادَ
اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ قَالَ
اللهُ تَعَالَى
يَا أَيُّهَا الَّذِينَ آمَنُوا
اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah
jumah rahimakumullah
Puji syukur mugi
sumangga tansah kunjuk dhumateng Allah Ta’ala ingkang
sampun paring kanikmatan dhumateng sedaya umat ipun satemah wonten siang punika kita tansah manggih rahayu,
widada nir ing sambekala. Shalawat ugi salam mugi tansah katetepaken dhumateng nabi Muhammad ﷺ ingkang
tansah kita tengga syafaatipun wonten ing dinten kiyamah.
Jamaah
jumah rahimakumullah
Wonten kesempatan khutbah siang punika khatib wasiat sumangga
tansah ningkataken taqwa kanthi nindakaken dhawuhipun
Allah lan nebihi awisanipun.
Mugi kanti taqwa panggesangan kula lan panjenengan tansah manggih kamulyan fiddunya wal
akhirah. Aamiin.
Jamaah
jumah rahimakumullah
Kalebet cirinipun tiyang mukmin ingkang sae inggih punika sengkuyung nindakaken sedaya tumindhak kabecikan. Tiyang
kasebat ngrumaosi bilih gesang punika nikmat ingkang kedhah dipunsyukuri kanthi
tumindak sae. Tiyang punika yakin bilih gesang wonten dunya namung sekedap lan
ajal utawi pati punika haq. Mila tiyang muslim punika sejatosipun kedhahipun ngginaaken
wekdalipun kagem tumindak sae sakderengipun dumugi rubeda utawi alangan. Amargi
menawi dumugi alangan lan ajal temtu sampun mboten saget malih nindakaken
kesaenan. Allah dawuh ing al- quran:
وَلِكُلٍّ وِّجْهَةٌ هُوَ مُوَلِّيْهَا فَاسْتَبِقُوا الْخَيْرٰتِۗ اَيْنَ مَا
تَكُوْنُوْا يَأْتِ بِكُمُ اللّٰهُ جَمِيْعًا ۗ اِنَّ اللّٰهَ عَلٰى كُلِّ شَيْءٍ
قَدِيْرٌ
“Lan tumraping saben-
saben uwong iku kudu andarbeni qiblat kang diadhepake, mula saka iku sira pada
bebalapana tumindak kabecikan, ana ing ngendi wae dunungira Allah bakal
ngumpulake sira kabeh, satemene Allah iku Maha Kuasa ing atase apa wae.”
(QS. Al Baqarah: 148)
Jamaah jumah rahimakumullah
Mila punapa kemawon tumindak kabecikan ingkang
kedahipun kula lan panjenengan lampahi Kathi remen lan boten bosen- bosen?.
Rasulullah pinangka suri tauladhan tumrap kula lan panjenegan sampun paring
dhawuh supados penderekipun istiqamah njagi kabecikan ing antawisipun:
1. Njagi salat
jamaah wonten shaf paling ngajeng.
Rasulullah ngendika:
“Menawa manungsa iku ngerti ganjarane azan lan shalat ana shaf ngarep dewe
banjur ora ana cara tumju iku kejaba kanthi undian mula kabeh uwong mesthi
bakal ngundi amal iku. Lan menawa uwong- uwong iku pada ngerti ganjarane
enggal- enggal tumuju shalat jamaah mula mesthi bakal pada lelomban tumuju
shalat jamaah. Lan menawa wong- wong iku ngerti ganjarane shalat isyak lan
subuh jamaah mula mesthi kabeh bakal nekani salat jamaah iku senajan kanthi
mbrangkang.” (HR. Bukhari lan Muslim)
2. Remen ngedalaken
sedekah.
Umar bin Khatab ngendika: “Sawiji dina Rasulullah dhawuh marang aku lan para shahabat supaya
nindakake shadaqah. Ing waktu iku, aku ana ing kahanan nduweni rejeki kang
longgar banjur aku niat ngungguli Abu Bakar ana ing shadaqah dina iku. Mula aku
sowan Panjenengane Rasul kanthi nggawa setengah saka bandhaku. Banjur
Panjenengane Rasul Ngendika: “apa kang sira tinggalake kanggo keluarganira?”
aku njawab: “Kula tinggalaken setengah saking bandha kula”. Banjur Abu Bakar
rawuh kanthi nggawa kabeh bandhane. Panjenengane Rasul ngendika: “He Abu Bakar
apa kang sira tinggalake kanggo keluarganira?”. Abu Bakar wangsulan: “Kula
tinggalaken Allah lan Rasulipun kagem keluarga kula”. Demi Allah aku ora bisa
ngungguli kabecikane Abu Bakar ing bab apa wae”. (HR. Turmudzi)
3. Njagi sedaya
amal kesaenan.
Abu Hurairah ngendika: “Sawiji dina sowan marang Rasulullah wong- wong fakir banjur matur:
“Duh Rasulullah, tiyang- tiyang sugih estu sampun nggayuh derajat ingkang
inggil lan nikmat ingkang agung kanthi bandhanipun. Tiyang- tiyang kasebat
shalat kadhos kula sami shalat, tiyang kasebat shiyam kadhos kula sami shiyam
lan tiyang tiyang punika kagungan bandha sahingga saget nindakaken haji, umrah,
jihad lan shadaqah. Rasulullah ngendika: “apa sira kabeh gelem menawa ingsun menehi
amalan kang menawa sira nindakake mesti bisa nyusul derajate wong- wong sugih
iku mau, lan ora bakal bisa nusul sira kabeh kejaba wong- wong kang uga
ngamalake amalan iku. Yaiku saben- saben rampung shalat sira pada maca tasbih,
tahmid lan takbir kaping telung puluh telu”. (HR. Bukhari lan Muslim)
Jamaah jumah rahimakumullah
Mila kanti punika sumangga kita tansah gumbregah lelomban
nindakaken kesaenan. Mugi Allah Subhanahu Wata’ala tansah maringi kita
pitedhah lan hidayah kagem kita sedaya gampil nindakaken kesaenan- kesaenan. Aamiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
وَأَشْهَدُ أَنْ لاَ إِلَهَ إِلاَّ
اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
يَا أَيُّهَا الَّذِينَ آمَنُوا
اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
إِنَّ اللهَ وَمَلَائِكَتَهُ
يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا
تَسْلِيمًا
اَللَّهُمَّ صَلِّ وَسَلِّمْ
وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ
وَذُرِّيَّاتِهِ أَجْمَعِيْنَ
اَللَّهُمَّ اغْفِرْ لِلْمُسْلِمِيْنَ
وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ،
إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ أَنْتَ اللَّهُ لَا
إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini
إرسال تعليق